ای اولان بو گلستاندا گل احمریم آز آغلا #اصغریه_کریمی_مراغه_ای

زبان حال حضرت رباب (س) در عطش حضرت علی اصغر (ع)
..
..
..
..
مرحوم کریمی مراغه ای
..
..
..
..
ای اولان بو گلستاندا گل احمریم آز آغلا
یورولوبسان آغلاماقدان علی اصغریم آز آغلا
..
قورویوبدی دل دوداقون سویا چوخدی اشتیاقون
گیدوب ایمدی سو گتورسون سنه اکبریم آز آغلا
..
..
..
..
بله حسرتیله باخما منه گوزلرون فداسی
سودان اوتری اهل بیتین چخوب عرشه آه واسی
کیمه یالواریم بو چولده ایلیوم سو التماسی
سارالوب سولوب عطشدن هامی گللریم آز آغلا
..
..
..
..
قویوسان الون دوداقه دیلیوی نشان ویرورسن
نفسون دوشوبدی تنگه قوجاقمدا جان ویرورسن
بو صغیر سنّویله گوزل امتحان ویرورسن
یاخین اولموسان خسوفه مه انوریم آز آغلا
..
..
..
..
دوتوب اود یانور هواده بو قدر حرارت اولماز
بو سوسوزلقا الهى بیر اوشاقدا طاقت اولماز
هیچ آنا جهاندا من تک بالادان خجالت اولماز
نه سودوم وار امجگیمده نه سو وار وریم آز آغلا
..
..
..
..
یاتیسان نه سینم اوسته نه بشیگده خواب ایدورسن
اموسن دیلون دوداقون آناوی کباب ایدیرسن
سو ویره لَّه ایمدی لشگر نیه اضطراب ایدیرسن
منه رحم ایله اورکده قالوب اللریم آز آغلا
..
..
..
..
گیدور اختیار الیمدن گورورم بو سوز سازون
دوزه رم ولی دایاننام چکرم همیشه نازون
باتاجاقسان ایمدی قانه باری قوی اؤپوم بوغازون
اولاجاقدی وای اوغول وای منیم ازبریم آز آغلا
..
..
..
..
سنی اوخشارام قماطون یره قویمارام قوجاقدان
یوزیمی یوزیوه قویّام اؤپرم بو گل دوداقدان
سالار ایمدی بیر اوخیلا سنی حرمله ایاقدان
دوتوب اود یانار غمونده دل مضطریم آز آغلا
..
..
..
..
نچه گوندی سو تاپولمور سوسوزام على اوزومده
جگریم یانور عطشدن قورویوبدی یاش گوزومده
گوروسن سنون یوزون تک سارالوب منیم یوزومده
بوله کاش حال زارون شه محشریم آز آغلا
..
..
..
..
گوره بولمورم سوسوزدان سارالیب بو رنگ آلون
نجه تاب ایدوم بویانسا بالا قانه گل جمالون
نقدر ساغام ئولونجه منی یاندورار بو حالون
توکه جکدی اشک حسرت یوزه گوزلریم آز آغلا
..
..
..
..
قوری جام الینده آغلور سو دیور یانور سکینم
من اوزیمده تشنه یم چوخ سودان اوتری دلغمینم
او قدر خراش ایدوبسن بویانوبدی قانه سینم
تیز آلار بو انتقامی حق داوریم آز آغلا
..
..
..
..
دوت عزا کریمی دائم بو یانقلی دیللریله
سوله تشنه لب ویروب جان شه تشنه اصغریله
گله بلکه جان ویرنده باشون اوسته اکبریله
سالا سایه لطف اوزیله دیه نوکریم آز آغلا
..
..
..
..
#اصغریه #کریمی_مراغه_ای #اصغریه_شهادت #ترکی #زبدةالاشعار