ای اولان چرخ حیاده یوزی مه پاره قیزیم #حضرت_رقیه_اعظمی_تبریزی

زبانحال جناب حضرت زینب (س)
به حضرت رقیه (س)
..
..
..
..
مرحوم اعظمی تبریزی
..
..
..
..
ای اولان چرخ حیاده یوزی مه پاره قیزیم
بو گوزل صورتی قویما بیله دیواره قیزیم
..
..
..
..
ظلمت غمدن اولوب تیره سنون روز و شبون
واردی دردون دیماقا قویموری اما ادبون
ای گل باغ وفا باخما سولوب غنچه لبون
گول یوزون طعنه وورار هر گل و گلزاره قیزیم
..
..
..
..
رشگ ایدر هر گل گلشن گل شاداب سنه
هانسی گوهر چاتار ای گوهر شب تاب سنه
قیمت اولماز هامی عالم دُر نایاب سنه
هاردا بو گوهر اولور عرضه خریداره قیزیم
..
..
..
..
گر سنون قیمتوی بولمدی بو ارزل ناس
دُرّ قدرین بولر عالمده قیزیم درّ شناس
سن ایله درّسن اولماز سنه بیر درّ قیاس
حیف ویرانیه دوشدون نه ایدیم چاره قیزیم
..
..
..
..
نه بولر حشر نه دور بادۀ طغیانیله مست
هر گدانون الینه دوشسه ایدر درّی شکست
تاپسا بیر لوءلوء شهواری اگر زادۀ پست
او نه قیمت ویره جاق لوءلوء شهواره قیزیم
..
..
..
..
قابلیت هانی هر گوزده رخ حوره باخا
کوردور بیزلره هر کیمسه نه منظوره باخا
شبپرون قدرتی یوخ شعشعۀ نوره باخا
نوردور آل پیمبر یوزی اشراره قیزیم
..
..
..
..
گیزلدر غنچه یوزین خلقه ویرر درس حجاب
نجه که گویده چکر مه یوزینه ابر نقاب
بیزه نازلدی حجاب آیه سی ای گوهر ناب
کیم گوروب مهر یوزی کشف اولا اغیاره قیزیم
..
..
..
..
رسم عالمدی اگرچه گول اولار خاره اسیر
متّصل آغلار اولان قوم ستمکاره اسیر
اولا بولمز اولا زهرا قیزی اشراره اسیر
باغلادی عشق سنون قولّاروی تاره قیزیم
..
..
..
..
کیم اسیر اولسا قضایه اونا تدبیر ندور
یتیشه وصل گوله بلبله تأخیر ندور
عاشقی عشق چکر هر بره زنجیر ندور
اکبرین عشقی چکردی سنی بازاره قیزیم
..
..
..
..
نجه که شمع یانار گوز یاشی یاندوقجا آخار
دیمه پروانه او گوز یاشینه یا ناره باخار
اوزینی شمعه وورار یاندورار افلاکی یاخار
سن او پروانه سن اودلانموسان هر ناره قیزیم
..
..
..
..
غنچه گول سولسا چمن بلبله غمخانه اولار
رسمدور درّون همیشه یری ویرانه اولار
ایتمه غم اهل جهان قبرده پروانه اولار
شمع حاجات اولی قبرون هامی زواره قیزیم
..
..
..
..
گه توکوب گوز یاشوی حلقۀ ماتم قوروسان
گه باخورسان او باخوشدا بیبیوی یاندوروسان
دیموسن دردیوی آهیله دله اود وروروسان
عمّه ن ئولسون ندی دردون گتور اظهاره قیزیم
..
..
..
..
وورما اود قلبیمه گلمه بئله فریاده قیزیم
جور و ظلمیله اگر اولموسان افتاده قیزیم
قویما دیواره یوزون آغلاما شهزاده قیزیم
بئله قویماز یوزینی شه قیزی دیواره قیزیم
..
..
..
..
قالماسون کیمسنه حیرتده نه هنگامه دی بو
گیمشوخ قاره اسیروق بیزه برنامه دی بو
گر سوروشسا بیری سندن نه قرا جامه دی بو
سویله قارداشیم ئولوب ای یوزی مه پاره قیزیم
..
..
..
..
ئولسه شه رسمدی بو هر یره قاره چکیلر
اهلنون سینه سینه داغیله یاره چکیلر
یارالی باشدا مگر ظلمیله داره چکیلر
باشی یحیای وفانون چکیلوب داره قیزیم
..
..
..
..
گورسه هر کیمسه مزارون یوزه گوز یاشین الر
آهو تک اعظمی، قبروندن اوتور بیله مَلر
لطف ایله اوندا که حجّاج بو قبر أوسته گلر
ایسته همره ایلسون حق اونی زواره قیزیم
..
..
..
..
#حضرت_رقیه #اعظمی_تبریزی #حضرت_رقیه_شهادت #ترکی #زبدةالاشعار