در حالات حضرت علی اصغر (ع)
زبانحال مادرش
.
✍️ #زبدةالاشعار ✍️
.
🆔: @nohe_torki
.
#سبک_کوفیان_گور_نجه_یاندردی_منی #سبک_کربلا_قبله_عشقیمدی_منیم #سبکک_اویان_ای_یار_وفاداریم_اویان
.
حاج حسین حسنی تبریزی
ای ایچن سو یرینه قان بالاوای
آنان اولسون سنه قربان بالاوای
.
.
منیم ای روح روانیم گوزون آچ
اوجالوب عرشه فغانیم گوزون آچ
سنه قربان اولا جانیم گوزون آچ
قویما وردیم اولا هر آن بالا وای
.
.
قلبیمی ناله ایله داغلاموشام
سنله باهم گیجه چوخ آغلاموشام
عفو ائله اللریوی باغلاموشام
اولموشام ایندی پشیمان بالاوای
.
.
گلمدی راز دلون لبلریوه
سورتدون هردمده دلون لبلریوه
قویدون آخرده الون لبلریوه
قلبون اوت دوتدی سوسوزدان بالاوای
.
.
بو اشاره منی یاندردی بالا
خیمه نی چوخلی دولاندردی بالا
کیم سنی قانه بویاندردی بالا
اولدی بیر سنگدل انسان بالاوای
.
.
فرقتونله سینمی داغلاموسان
چاره یولارین اوغول باغلاموسان
کوسموسن مندن اودور آغلاموسان
ایسترم ایله سن افغان بالا وای
.
.
نسگل اولدی سودومون اولماماقی
ساخلیانماز آنا سودسوز اوشاقی
یاندی سن تک آناوون دل دوداقی
اولدی سن تک اودا گریان بالاوای
.
.
آپارندا سنی میدانه آتان
آغ گیندیردی سنی ئولسون انان
اولدی آغ اونّوگوون زینتی قان
اولوب آغ اونّوگون الوان بالاوای
.
.
سنه سو ایستدی چون شاه انام
حالینی یوخلادیلار لشگرشام
بوغازون اوخلادی بو قوم ظلام
ای اولان دایه سی پیکان بالاوای
.
.
باخورام گل بدنون یوخ یاراسی
قلبیمه وار یاراوون چوخ یاراسی
بیله اولماز بالا هیچ اوخ یاراسی
یا کسوب خنجر برّان بالاوای
.
.
حرمله خانۀ صبرون تالیوب
کاسۀ عمروی بو اوخ جالیوب
اوخ باتار بو بوغازون پارچالیوب
ایلیوب گل کیمی خندان بالاوای
.
.
بختیمون کوکبی باتدی سنیلن
سازشی یوخدی جهانین منلن
آغلیاندا سنه من شیونلن
گله جاق فرقۀ عدوان بالا وای
.
.
سو یولون هاردان اولور دشمن آچار
کیم دیدی اوخ دلوى امسن آچار
آغلارام قونداقوی عمّن آچار
اولوب عمّنده پریشان بالاوای
.
.
تیرغم قلبیمه ساچدی بالالار
خیمیه غم یولی آچدی بالالار
منی گورجک بالا قادی بالالار
هره بیر یانه هراسان بالاوای
.
.
بیر بیره سویلوری سو ایستمیون
اوخلیالار سوسوزی سو دیمیون
کیمدی قیزلاره دین غم یمیون
ایتمیون بیرده سو عنوان بالاوای
.
.
اوخشارام من که بوحالیله سنی
بزم ماتمده ده اوخشار «حسنی»
ناامید ائتمه عزایه گلنی
ایسته اوز قبریوه مهمان بالاوای
.
.
#اصغریه_حسنی_تبریزی
#اصغریه_شهادت
#ای_ایچن_سو_یرینه_قان_بالا_وای
#ترکی
.
✍️ #زبدةالاشعار ✍️
.
🆔: @nohe_torki
نظر دهید