تقدیم به ساحت مقدس حضرت موسی بن جعفر (ع)
..
..
..
..
رضا غلامپور(دلپاک)
..
..
..
..
ای تاپان تقرّب حق اقربا قرابتوندن
اون بیر ایل فضای زندان فیض آلان عبادتوندن
..
..
..
..
تا حدیث جسم زارون نصف شب اوخوندی بیردم
گوزلریمده ناگه اولدی شمع صبحدم مجسم
کیم یانیب گجه قوتولموش سوزی آفتابه مبهم
منده اولموشام شبیه شمع بو شباهتوندن
..
..
..
..
سن تجلّی جلالی منتهای نخوتیله
سالدی محبسه ستمگر توش ائده ذلالتیله
بولمدی سنی ولیکن ظلم بینهایتیله
خاک ذلّته سالانماز مسند جلالتوندن
..
..
..
..
سن ولیّ و حجّت الله چرخ عالمینه محور
بس نه غل نه بند و محبس بس نه غم نه قلب مضطر
هر نه واردی حکمتیله وار نه هر بلا سراسر
چخمییب کناره بیر دم حیطهٔ رضایتوندن
..
..
..
..
محنتین ائدیر حکایت آرمان اقدسوندن
دل بیان ائده نه لازم ارتفاع محبسوندن
چون عیاندی شرحی کامل قامت مقوسوندن
صورت فلک مکدّر قوس قد و قامتوندن
..
..
..
..
سجن ابتلاده گئچدی حدّیدن ملالون از بس
دل آچیب گلوب غمونده متصل فغانه محبس
جان وئرنده جان عالم اولمادی یانیندا بیرکس
بلکه ذرّجه آزالسین شدّت مصیبتوندن
..
..
..
..
عالمی إئدیب مُسَخّر محنتینده غم هواسی
آشکار اولور هوادن بیربیر اشقیا جفاسی
بی امان سالیبدی رعشه قلبه سیلی ماجراسی
چرخ اخضر اولدی واله اوزده کی علامتوندن
..
..
..
..
بی سبب دگول ملالون عالمی ائدیبدی دلگیر
والهم که ایلمیشدون سن مگر نه ظلم و تقصیر
که سنی او نوعی سالدی حلقهٔ عذابه زنجیر
حلقه حلقه سی خبردار اولدی رنج و محنتوندن
..
..
..
..
دوشمیوبدی نه، نه دوشمز عکس حالتون خیاله
قوهٔ خیال ائدنمز تاب او سهمگین ملاله
کیم بولور کیمه عیاندی پیکرون دوشوب نه حاله
کیمده وار توان دانیشسین نچه کلمه حالتوندن
..
..
..
..
طاعتینده جلوه لندی شور و شوق اشتیاقون
محبس ایچره اولدی همدم شهد ذکریله مذاقون
بس فشاریله سیخیلدی بند کنده ده ایاقون
سجده گهده گوز یاشین تک آخدی قان جراحتوندن
..
..
..
..
جسم پاکیوه مکرر اولدی گرچه چوخ جسارت
اولدی نقشبند بیربیر هر بیرینده یوز حکایت
سالدی بیر آغیر ملاله جانیوی ولی رطوبت
دوشدی پیکرون بیر اعظم رنجه بو مصیبتوندن
..
..
..
..
مدّت مدید اگر چه محبس جفاده قالدون
لیک سیندیریب وقار دشمنی اؤزون اوجالدین
حاصل استقامتیله حبسخانه ده قوجالدون
بوقوجالماقین حکایت ائتدی تاب و طاقتوندن
..
..
..
..
وقف محضیدور وجودون چون شریعت مبینه
پاسبان اولوب ازلدن بو سبب حریم دینه
تنگنای غربتونده دوشدی یادیوه مدینه
بیر مدینه ای کی اولموش بی‌نصیب اقامتوندن
..
..
..
..
وه کی بیر کرامتیله چاتدی مقصده خیالون
دودمانیوه یئتن دم آرتدی دلده کی ملالون
تک به تک باخاندا گوردون گل کیمی سولوب عیالون
هئچ بیری تلاوت ائتمیر آیهٔ طراوتوندن
..
..
..
..
وئردی نخلهٔ شفقت باغ وحدتونده حاصل
اولدی هدیهٔ محبت هر شکسته قلبه شامل
بیربیر ئوپدون اوزلریندن ائیلدون وداع کامل
بیر خدا بولور نه چکدون آیرلاندا عترتوندن
..
..
..
..
یاده بو غمون دوشنده دوتدی فکری آیری بیر غم
کربلا غریبی جدون عترتیندن آیرلان دم
قیزلاری دیردی بیر بیر ای پناه اهل عالم
گل بیزی کناره سالما سایهٔ حمایتوندن
..
..
..
..
بعضیسی دیردی گئتمه بعضی دوره سین آلاردی
بعضی دلده وای بابام وای بوینونا قولون سالاردی
بعضینین اورک باشیندا حسرت اللری قالاردی
بعضی سویلیردی ئولم من بو غملی غربتوندن
..
..
..
..
ای غمونده قلب عالم فوج حسرتیله غمناک
وی عوامل ستمدن محبس ایچره ائتمین باک
شاه کربلایه خاطر بیر عنایت ائت کی «دلپاک»
یوم رستخیزه توشه اخذ ائده زیارتوندن
..
..
..
..
#کاظمیه #دلپاک #کاظمیه_شهادت #ترکی #زبدةالاشعار
نظر دهید