زبانحال حضرت صغری (س)
.
.
.
#سبک_ای_باد_صبا … 7 سبک
مشابه
پخش‌کننده صوت
مرحوم مضطر اردبیلی
.
ای جدّه هاچان بس گله جک اکبریم آخر
یولاردا قالوب حسرتیلن گوزلریم آخر
.
.
.
مدّتدی گیدوب یار و انیسیم غم اولوبدور
رعنا قدیم هجرینده گورورسن خم اولوبدور
غم گوشۀ دیوار منه همدم اولوبدور
آرتار گونی گوندن گورورم غملرین آخر
.
.
نسگلدی بو غملر بلی من بخت قرایه
آخشاملار اولاندا باخارام سمت هوایه
گورّم چکیلوب گون گلورم آه و نوایه
گلمز داخی بیلّم که برادرلریم آخر
.
.
بیر کیمسنه یوخدور سر بالینمه گلسون
مدّتدی قاپوم باغلی قالوب یانیمه گلسون
غم فوجی نه وقته کیمی بو جانیمه گلسون
قوینومدا قالوب حسرتیلن اللریم آخر
.
.
گوردم گجه بیر واقعه اولدی غمیم افزون
قارداشیم علی اکبر اولوب قانیله گلگون
باشینی کسوب خنجریلن منقذ ملعون
گورجک اونی سیندی داخی بال و پریم آخر
.
.
هم اول صودامر اصغری من زار و حزینه
گوردوم بوغازین اوخلیوب اول لشگر کینه
قونداقنی آلمشدی بابام جدّه الینه
سویلردی خدا ئولدی سوسوز اصغریم آخر
.
.
دوردوم یوخیدان جدّه ملالیله هراسان
گوردوم ایلیور بیر قنادی قانلی قوش افغان
قد قُتل الحسین سویلوری هر لحظه و هر آن
معلوم اولا بوندان که سولوب گُللریم آخر
.
.
هر کیم ویره بو بزم عزا و غمه رونق
بی شک تاپاجاق راحت و آسایش مطلق
غم ایلمه «مضطر» که یقیناً شه بر حق
سویلر سنه ده کلب در چاکریم آخر
.
.
#حضرت_صغری #مضطر_اردبیلی
#ای_جده_هاچان_بس_گله_جک_اکبریم_آخر
#ترکی
.
.
زبدة الاشعار 
: @nohe_torki . مرحوم حاج محمد حسین جنتی مقام ( صحاف تبریزی ) . عمّه وار بو باشدا، بیر غریبه منظر گوزلری بابامین، گوزلرینه بنزر بو قانا بلشمیش باش آغلوری توکوربیشتر
نظر دهید