ای جماعت بلموسوز من شیر یزدان اوغلیام #حسینیه_کلامی_تبریزی

اتمام حجت و شجاعت حضرت امام حسین (ع)
..
..
..
مرحوم کلامی تبریزی
..
..
..
ای جماعت بُلموسوز من شیر یزدان اوغلیام
فارس میدان هیجا شاه مردان اوغلیام
..
..
..
نور حقّه ظلمت باطل بو گون اولماز حجاب
مصطفی جدیم آنام زهرا آتامدور بوتراب
قالماسین جای بهانه سیزلره روز حساب
حامیِ دینِ محمد بابِ قران اوغلیام
..
..
..
سینۀ زهرای اطهردن چیخان گوهر منم
محضر استاد اهل عشقه سر دفتر منم
مخزن علم لدنّی عالمه رهبر منم
مرشد و پیر طریقت کنز عرفان اوغلیام
..
..
..
ایلدی اتمام حجت چون امام اوغلی امام
حمله ایتدی لشکره چیخدی غلافیندن حسام
عرصه نی ترک ایلدی اعدایه سویلردی مدام
ایمدی شمشیریم دیر من شیر یزدان اوغلیام
..
..
..
گوردی تأثیر ایتمدی اعدایه متقن سوزلری
کوره آندیرماق دگل ممکن گونی گوندوزلری
گلدی غیظه شیر یزدان تک قیزاردی گوزلری
سویلدی بلدورّم ایمدی دینه برهان اوغلیام
..
..
..
قاچمیون روباه تک، ئولدورموسوز فرزندیمی
دوغرویوبسوز بند بندیندن منیم دلبندیمی
سالموسوز تپراقلار اوسته آی گونه مانندیمی
انتقامین آلّام ایمدی عدل و میزان اوغلیام
..
..
..
هر بلا فرمانی گلسه آلّام امضا ایلرم
نقد جانی تیر و پیکانیله سودا ایلرم
خون اعدائیله بو صحرانی دریا ایلرم
بُلمیَنلر تا بُله من مرد میدان اوغلیام
..
..
..
گتدیم اوغلوم اکبری قربان منا صحراسینه
کشتی جسمیم دوشر بو چولده قان دریاسینه
نیزه ده باشیم گیدر موسی کیمی سیناسینه
وارث نوح و خلیل الله و عمران اوغلیام
..
..
..
هر طرفده اوستومه گر یاغسا بارانِ خدنگ
یاره لردن پیکریمده گُللر آچسا رنگ رنگ
نوش جانیمدور اگر پیمانیمه دولسا شرنگ
وافیِ روز الستم عهد و پیمان اوغلیام
..
..
..
ظاهراً ایتدوز منی آب زلالین تشنه سی
باطناً اما منم جام وصالین تشنه سی
آز قالوب سیراب اولا بو ماه و سالین تشنه سی
میر آب کوثرین لب تشنه قربان اوغلیام
..
..
..
من «کلامی» شهرتم واردور کلامیمده ثمن
رشتۀ نظمه دوزولموش گوهر آسا مقترن
یازمیشام بو نوحه نی بُلسونله ارباب سخن
خادمِ آلِ علی مردِ سخندان اوغلیام
..
..
..
#حسینیه_شجاعت
#ای_جماعت_بلموسوز_من_شیر_یزدان_اوغلیام
#کلامی_تبریزی #حسینیه
#ترکی
#زبدةالاشعار