ای خدا بو درد بی درمانه درمان ایستروخ #مناجات_دلریش

مناجات
.
✍️ #زبدةالاشعار ✍️
.
🆔: @nohe_torki
.
مرحوم دلریش
.
ای خدا بو درد بی درمانه درمان ایستروخ
بنده لرده قالمیوب جان تازه دن جان ایستروخ
.
.
آدیمیز گر بنده دور لیكن هامی شرمنده یوخ
سن بولورسن بارالها بیز نه نوعی بنده یوخ
بوندان آرتوخ تابیمیز یوخ طعنۀ دشمنده یوخ
بو بلانین دفعینی ای حی سبحان ایستروخ
.
.
بیز سنی وئروخ قسم آل عبایه ای خدا
مصطفا و مرتضا خیرالنسایه ای خدا
مجتبایه هم ذبیحاً من قفایه ای خدا
چاره سیز درده دوا یارب رحمان ایستروخ
.
.
امتون ایلوب پریشان بو بلا یا مصطفا
سن اوزون فریاده یت بهر خدا یا مصطفا
بوندان آرتوخ خوار اولاخ اولما رضا یا مصطفا
رحمتاً لِلعالمین سن لطف و احسان ایستروخ
.
.
قالمیسان بس هاردا اولدی گوگلیمیز قان یاعلی
شیعه لر بو غمده اولموش چوخ پریشان یاعلی
سسلروخ تا وار نفس یا شاه مردان یا علی
داده یت آسوده لوخ یا شاه مردان ایستروخ
.
.
یتمسه سندن بیزه بیر لطف اگر یا فاطمه
بو «وبا» ایلر بیزی خونین جگر یا فاطمه
اولموشوخ دریای غمده غوطه ور یا فاطمه
آغلاروخ اوغلون حسینه آه و افغان ایستروخ
.
.
قالب بی روح تک گویا هامی پیر و جوان
بیر بیرین گوزکملیگه هئچ کیمسه ده قالموب گمان
بیزلری بخش ائت حسینه ای خدای لامكان
عاصیوخ شرمنده یوخ توفیق هرآن ایستروخ
.
.
خوار و زار ایلوب بیزی بو درد و غم یامجتبا
قالمیشوق آواره قیل لطف و کرم یا مجتبا
قالمیوبدور طاقت لا و نعم یا مجتبا
چاره سیز درده علاج ای میر دیوان ایستروخ
.
.
گوز تیکوب عالم سنه ای پادشاه کربلا
سو کنارینده سنه سو وئرمدی اهل جفا
کسدیله لب تشنه باشون ای عزیز مصطفا
سالما گوزدن بیزلری بو درده درمان ایستروخ
.
.
#مناجات_پندیات
#ای_خدا_بو_درد_بی_درمانه_درمان_ایستروخ
#ترکی
.
✍️ #زبدةالاشعار ✍️
.
🆔: @nohe_torki