ای درگهی عشق اهلینه ، باب کرامت یا حسین #حسینیه_ستار_رزاقی

#یاحسین …
.
#سبک_ای_شاه_مظلومان_حسین (5 سبک شامل : کوچه لره … یابن الحسن … )
.
.
ستار رزاقی تبریزی
.
.
ای درگهی عشق اهلینه ، باب کرامت یا حسین
عشّاقی ایلوب درگهین ، صاحب جلالت یا حسین

.
ای بارگاهی ملجا و امیدگاه عاشقان
حسرتده دور تا یوز قویا اول قبره عشاق جهان
کربوبلاآدی اولوب عشاقیوه ورد زبان
چون درد عشاقه او یر ایلر طبابت یا حسین

.
ای قبر پاکی روزوشب عشق اهلینه اولموش مطاف
شوقیله اهل معرفت ایلر گوزل قبرین طواف
بیر قبرین اوپماق عاشقه ایلر ایکی دنیا کفاف
واردور بو شرطی گر اولا سندن عنایت یا حسین

.
ای کربلا تپراقینی قانیله الوان ایلین
جانین فدای مکتب اسلام و قرآن ایلین
دنیاده ظلمین پایه سین قانیله ویران ایلین
سنسن یقین احیاگر عدل و عدالت یا حسین

.
ای دین حق اوستونده اوز دارو نداریندن گچن
ای اوز الیله اکبر شهزادیه خلعت بیچن
شهد شهادت جامینی بو یولدا عشقیلن ایچن
قاندان قویان اوز باشینه تاج شرافت یا حسین

.
سن قتلگاه عشقیده ویردون بیر عالی امتحان
قلبونده کی پاک عشقیوی عالملره ایتدون عیان
معبوده آخر لحظه ده قیلدون اورک دردین بیان
تا حقدن آلدون محشره قول شفاعت یا حسین

.
عشق و شهادت درسینی سندن آلوب اهل ولا
راه ولایتدن اودور هیچ بیر زمان اولماز جدا
ایلر ولی امرینه گر لازم اولسا جان فدا
امر ولایتدن ایدر هر آن اطاعت یا حسین

.
رزاقیم بیر عمردور درگاهیوه وابستیم
ذات خدایه شکر اولا جام ولانون مستیم
درد فراقه نیلیوم مدتدی مولا خستیم
قورتار منی بو غمدن ای کان کرامت یا حسین
.
.
.
.