ای دودمانیمین یوزی شمع شبانه سی #فاطمیه_سعدی_زمان

زبانحال حضرت علی بعد از شهادت حضرت زهرا (س)
.
زبدة الاشعار
.
: @nohe_torki
.
مرحوم حسینی #سعدی_زمان
.
ای دودمانیمین یوزی شمع شبانه سی
گئچدی علی چراغی خراب اولدی خانه سی
.
گیتدون خلاص اولدون اوزون رنج و غصّه دن
ایتدون علینی تیر مصائب نشانه سی
.
جسمیمده روحیمون قوشی محبوس اولوبدی کاش
محبوس بیر قوشون کسیلیدی ترانه سی
.
یوخ خیر سن سیز عمرده یا خیره النساء
سینسون گوروم درخت حیاتین جوانه سی
.
قورخور حیاتی طول اولا خیبر شکن علی
وار دلده چون ئولونجه غم جاودانه سی
.
اوخشار علی او طایره سن سیز بو دهریده
بال و پری سینا اود آلا آشیانه سی
.
کلثوم و زینب و حسنینین سولان یوزی
بسدور علینون ایتماقا ناله بهانه سی
.
عَمر ئولدورن علینون ایوین یخدی ئولماقین
گیتدی الیندن عزّتینون پشتوانه سی
.
چوخ نیسگیل اولدی قبریوی گیزلتدی مرتضی
اوز سودوقوندی بو عمل مخفیانه سی
.
قانین آلان گلینجه بو ایتگین مزاریوی
اولماز تاپان پیمبر اکرم نشانه سی
.
دار فنانی ترک ائلدون سن ، علیده کاش
سنله اولیدی عالم باقی روانه سی
.
زهرا عم اوغلوا نیه بس وئرموسن جواب؟
وار بولموسن نه سوز دل عاشقانه سی
.
ئولماق چتیندی آیریلیق اونداندا سختیدی
بیر بحردور فراق که یوخدور کرانه سی
.
قان آغلادرو گوزوم ساتاشان وقتیده منی
مسمار در یانان قاپومین آستانه سی
.
آهیم عجبدی پوزمادی نظم عوالمی
دلدن سنی سالاندا عدو تازیانه سی
.
یخسون مغیره نون ایویون الله لم یزل
اولسون گوزونده تار علی تک زمانه سی
.
شرمنده یم پیمبره گوسترمه سینوی
ای سینه سی نقود بلایا خزانه سی
.
منزلده اگلشنده یرون بوش گورنمورم
آرتور گلنده قبریوه قبریوه قلبیم زبانه سی
.
وئر «سعدی زمانه» صله یا ابا الحسن
سائلدی درگهونده بو سوزلر بهانه سی
.
نوکر سوزون بو رسمیدی مولاسینه دئیر
لازمدی اوز غلامینه مولا اعانه سی
.
.
#فاطمیه_شهادت
#ای_دودمانیمین_یوزی_شمع_شبانه_سی
#آثارالحسینی1 ص 74
#ترکی
.
#زبدةالاشعار
.
: @nohe_torki