ای دولان ابر کیمی نرگس شهلاسی آنا #فاطمیه_معتکف

شهادت حضرت زهرا (س)
.
#زبدةالاشعار
.
: @nohe_torki
.
مرحوم #معتکف
.
ای دولان ابر کیمی نرگس شهلاسی آنا
رنگ نیلوفر آلان طلعت حمراسی آنا
.
.
قاره زلفون دوشوب أی صور توه هاله کیمی
گزلدوب سیلی یرین داغ دل لاله کیمی
گل جبینون عرق مرگ دوتوب ژاله کیمی
گوسترور عارض رویون اجل ایماسی آنا
.
.
من بیلردیم نیه خورشیده سالوب سایه سحاب
زلف مشگینون اولوب دیدۀ مخموره حجاب
بی سبب نرگسی مستور ائلمز عنبر ناب
عصمتین شرمدی البته تقاضاسی آنا
.
چشم مستونده اولوب گوشه نشین دانۀ اشک
دولودی اشک غمیله آنا پیمانۀ اشک
مژه وورمور که مبادا بوشالار خانۀ اشک
فاش اولار گوز ایوینین سرّ غم افزاسی آنا
.
.
بئله کیم دانه اشکون گوز ائوینده اوتوروب
بئله کیم مژّه پناهینده آخوب حلقه وروب
بئله کیم دانه لری ساخلاماقا مژّه دوروب
وای اگر مژّه لرین سلب اولا یاراسی آنا
.
.
موج اشک غمه اولماز مژه دن سدّ و پناه
گوز یاشین ساخلیه بیلمز دولانان طرز نگاه
داشاجاخ سیل سرشكون یوزیوه خواه نخواه
زحمته سالما اوزون قوی داشا دریاسی آنا
.
.
اشكیله جام سرشکون دولا لبریز اولا گر
عارضونده قویاجاخ نقش ملالوندان اثر
یازاجاخ واردی درونوندا نه عالم نه خبر
دوشه جاخ غملریوین صورته معناسی آنا
.
.
ظاهراً گر چه هله چشم خمارون باخوری
یاندیریر بو باخشون جان جهانی یاخوری
لحظه به لحظه آخان نجم سما تک آخوری
اود وورور قلبیمه هر نظره تماشاسی آنا
.
.
نجه کیم شاخه سینار غنچه سولار گل سارالار
نجه کیم خار جفا برگی گل اوسته یارالار
نجه کیم زاغ و زغن بلبلی گلدن آرالار
سنیده مندن آیردى زمن اَدناسى آنا
.
.
نجه کیم مشرقه آی حال افولونده باخار
نجه کیم گوندوزی گون مغربه یتدوقجه یاخار
نجه کیم دامن چرخه گئجه لر اولدوز آخار
زینبینده آخوری زهرۀ زهراسی آنا
.
.
نجه کیم خون جگر بلبل غمدیده ییَر
نجه کیم جامۀ غم مونس اولان غمله گیَر
نجه کیم دردینی درد اهلینه درد اهلی دیَر
سنده دردون منه دئ عاطفه سیماسی آنا
.
.
من بیلردیم نیه مندنده دوتورسان یوزیوی
زلف مشکین له مستور ایدوسن بیر گوزیوی
چکوسن شیوۀ عُزلتله کناره اوزیوی
تا که فاش اولمیه دردون غم عظماسی آنا
.
.
من بیلردیم نیه گاهی تاپوسان حال سکوت
گه سیزیلدیرسان ایله اودلانور اهل جبروت
دوتوسان بیر الیله حال نمازوندا قنوت
سنیله وار هله دیوار و در ایذاسی آنا
.
.
من بیلیردیم که ندور سجده ده آهسته دعا
صبح اولونجه ایدوسن هر گئجه گزلنجه نوا
شمع تک واقف حالوندی پانور شاه ولا
نای دلدن گلوری «معتکف» آواسی آنا
.
.
#سبک_یارالی_جان_یارالی … 4 سبک … شهریاریمسن … کربلا منتظر …
پخش‌کننده صوت