ای رهین منّتنده نوح و آدم یاحسین #حسینیه_علی_هاشمی

یا حسین
.
.
#زبدةالاشعار
.
: @nohe_torki
.
#سبک_زینبم_جان_اوستیم … 4 سبک
.
علی هاشمی
.
ای رهین منّتنده نوح و آدم یاحسین
نشر اولار دنیایه تاریخ محرّم یا حسین
.
.
سن ملّقب ثار حق سن لطف حیّ باریدن
تاپموسان بیر اوزگه رتبه رحمت داداریدن
ذرّه جه لطفون اولوب شامل فراز داردن
گیتدی چرخ چارمه عیسی ابن مریم یاحسین
.
.
بطن مادرده سن اولدون اوز آناوین همدمی
پنجم اهل کسا سرّ خدانون محرمی
اولماسیدوز سیز اگر خلق ایلمزدی عالمی
آندایچوب اوز ذاتینه خلاق عالم یاحسین
.
.
سن او مولاسن دیوب حقونده ختم الأنبیا
بوحسین مندندی من اوندان اونا جانیم فدا
ای آدی هر چاره سیز بیر درده عالمده دوا
گل آدوندا واردی مطلق اسم اعظم یاحسین
.
.
ایلدون اغماض عجب سن اشتباه حرّیدن
بیر نفر گچمزدی سن گچدون گناه حرّیدن
ایلدون توبه یولین تعلیم راه حرّیدن
بی گناه انسان کیمی دوتدون مکرّم یاحسین
.
.
غبطه أیلر شانینه انصاریوون عالم تمام
فرد فردی جبهۀ عشقونده بیر مرد قیام
مرحبا ایمانه به به بیر سیه چهره غلام
دیلده کی اسراریوه اولموشدی محرم یاحسین
.
.
گچموسن سن بیر اوغولدان که که علی اکبر آدی
جدّیون مانند و مثلیدی تماماً هرزادی
آشنالر سهلدى قان آغلادار دردی یادی
بیرایله اوغلى ئولن قالماز مسلم یاحسین
.
.
قاسمون بیر دردیدی دردی ساغالماز سینه دن
طوی گونی مشگلدی داماد اولماقی خونین کفن
تازه لندی داغ قاسمله سنه داغ حسن
اکبرونّنده اولوب دردی مقدّم یاحسین
.
.
سن ابوالفضلی سپه سالار سردار ایلدون
لشگرین تعدادین اونلا سایدا بسیار ایدون
اضطرابه دشمنی سالدون علمدار ایلدون
بو حصاریله حصارون اولدى محکم یاحسین
.
.
چون حصاری حیف اولا سندیردی اشرار دنی
سر سپاه جُند حقّه أل تاپوب دین دشمنی
قارداشون عباس ئون گون سولدی زهرا گلشنی
داغ عباسیله اولدى قامتون خم یاحسین
.
.
سن او مولاسن آدیندور چاره سیزلر چارہ سی
عشقوین عشّاق عالمدور اولان آواره سی
مرحمیله توختامازدی گرچه قلبون یاره سی
اوخلی قربانون نه یاخشی اولدی مرحم یاحسین
.
.
سن نمازه آخرین دم ویردون عالی آبرو
اولمادی سو قتلگهده قانیله ایتدون وضو
هر قدر دنیادی دنیا آبروسیز اولدی سو
ارزشی دریانون اولدی قطرہ دن کم یاحسین
.
.
اهل باطل ایلینده باشون اوسته کشمکش
شمع حقده پیکرون یاندی اوگون پروانه وش
قان ایچینده قتلگهده سن دیینده العطش
گلدی موجه کوثر و تسنیم و زمزم یا حسین
.
.
یوخ باجی قارداش جهاندا سیز باجی قارداش کیمی
باجی قارداشلقدا اولدوز پیکر اوسته باش کیمی
بیر بیروزدن فاصله هیچ آچمادوز گوز قاش کیمی
آیری سالدی حیف اولا ماه محرم یاحسین
.
.
گوردی قارداش ویردی قرآنه ایکی اوغلون فدا
ایستدی اولسون باجی بو یولدا همره هم صدا
هر ایکی اوغلین ویروب بلکه اولا حقّی ادا
داغ فرزندیله اولسون سنله باهم یاحسین
.
.
دشمنون خشک اولسون عمری یای گوننده سوکیمی
دودمانون اوددا یاندی لانۀ تیهو کیمی
خورداجا قیزلار داغلدی چوللره آهو کیمی
گوزیاشی گل یوزلرینده مثل شبنم یاحسین
.
.
باغلانوب زنجیر ظلمه دوشدیلر چولدن چوله
بعضی جان قورتاردی بعضی عنقریب أولدى ئوله
بعضینی درد مصیبت ایلدی کم حوصله
داغ کیمی اگلشدی غمدن قلبینه چم یاحسین
.
.
چرخ عشقون شامیده آخر باتوب بیر أولدوزی
آیریلوب بیر گله آهوی حرمدن بیر قوزی
نه قوزی هر حیثدن آرتوخ دادی طعمی دوزی
صورت سیماده بیر حسن مجسم یاحسین
.
.
گوشه ویرانه ده گوهر تک اول طفل صغیر
بیر نچه گون یاتدی دوردی گه گرسنه گاه سیر
اولدى آخر اوز باباسیندان او کشورده سفیر
نصب ایدوبدور مرکز شهرینده پرچم یاحسین
.
.
«هاشمی» بیر جرعه نوش ایتمیش محبت باده وی
آشنا اولموش تانور هم بنده هم آزاده وی
آچما بوینوندان سنی زهرا آنان قلاده وی
قوی هامی بولسون اونی کلب معلم یاحسین
.
.
#حسینیه_مدح
#ای_رهین_منتنده_نوح_و_آدم_یاحسین
#ترکی
.
#زبدةالاشعار
.
: @nohe_torki