شهادت امام رضا (ع)
.
زبدة الاشعار
.
: @nohe_torki
.
مرحوم دلریش
.
ای ره جاناندا وئرن جان غریب
پاره جگر شاه خراسان غریب
.
.
صعبدی چوخ شیعه لره محنتون
آغلادی قان درد و غم غربتون
اولمادی یانوندا اوگون عترتون
ایلیه لر ناله و افغان غریب
.
.
وئردون عجب سنده قضایه رضا
گوردی نئجه بیر بئله ظلمی روا
وئردی او کافر سنه زهر جفا
اولدی بو نسگلده گوگول قان غریب
.
.
گرچه وئروب زهر سنه اول لعین
دوغرامادی گل بدنون اهل کین
سویمادیلار جسمیوی ای شاه دین
اوچ گونه دین قالمادی عریان غریب
.
.
جدون حسینون بدنین اشقیا
سالدیلا بیر حاله که واحسرتا
وئرمدی سان مثل ستاره یارا
اولدی بئله قانینه غلطان غریب
.
.
ایستدی سو وئرمدیله کوفیان
سو یرینه ووردولا تیر و سنان
باخدی فراته او سوسوز وئردی جان
ایستی قوم اوستونده لب عطشان غریب
.
.
چوخدی بو عالمده غریب و وحید
اولمیوب هئچ کیمسه حسین تک شهید
ئولدیروب ال چکمدی قوم پلید
راحت اولا باری او نالان غریب
.
.
سویدیلا بیر نوعی اونون پیکرین
آلدیلاانگشتیله انگشترین
کسدی او بی شرم و حیا اللرین
دوندی اونا شام غریبان غریب
.
.
کیم گوروب عالمده وئرور کیم نشان
بیر بئله میهمان، ائله میزبان
وئردی کول اوستونده حسینه مکان
ایلدی خولی اونی مهمان غریب
.
.
چوخلار اولوب غالب و مغلوب اگر
اولمیوب اطفالی اونون دربدر
اولدی اسیر آل على سربسر
شامه گئدوب دیده سی گریان غریب
.
.
زینب مظلومه حسینین باشین
گوردی توکوب عارضینه گوز یاشین
عرض ائلدى هانسی باجی قارداشین
گوردی بو نوعی سنه قربان غریب
.
#سبک_نطقه_گل_ای_شاه_شهیدان_حسین
#سبک_ای_باشی_سرنیزده_معراج_ایدن
.
#رضویه_شهادت
#ای_ره_جاناندا_وئرن_جان_غریب
#دلریش
#ترکی
.
#زبدةالاشعار
.
: @nohe_torki
نظر دهید