در فقدان مادر
..
..
#سبک_کوچه_لره_سو_سپمیشم … #سبک_مولا_علی_مولا_علی … #سبک_یابن_الحسن … #سبک_عم_اوغلی_صبریم_جالاندی
..
..
محمد هوشمند (مدهوش)
..
..
..
..
ای روحیمه ریحان ننه
وی دردیمه درمان ننه
بیر ده منه سس ویر اولا
جانیم سنه قربان ننه
..
..
..
..
یوخدور داخی سندن خبر
هجرون منه ایلر اثر
سالما گوزوندن قیل نظر
قویما اولوم نالان ننه
جانیم سنه قربان ننه
..
..
..
..
ای عمریمه زینت ننه
یاتما گوز اچ بیر باخ منه
قالدیم عجب حسرت سنه
ای جان ننه جانان ننه
جانیم سنه قربان ننه
..
..
..
..
قول سوز قانادسیز بلبلم
سنسیز هاچان بیرده گولم
بیر ارزی نیسگلی گولم
سنسن منه باغبان ننه
جانیم سنه قربان ننه
..
..
..
..
هجرونده یاننام آغلارام
قلبی غمینله داغلارام
اشکی عذاره باغلارام
ساللام دیله طوفان ننه
جانیم سنه قربان ننه
..
..
..
..
غمدن بیر آن دینجلمدون
یاندین راحاتلیق بیلمدون
بس هاردا قالدون گلمدون
گل باغریم اولدی قان ننه
جانیم سنه قربان ننه
..
..
..
..
سنسیز چراغلار سوندی گل
چرخ زمانه دوندی گل
گونلر قرانلیق گوندی گل
ای آی کیمی تابان ننه
جانیم سنه قربان ننه
..
..
..
..
قربان سنه سس ویر منه
تا جان ائدیم قربان سنه
گل بو صفالی گلشنه
قال بیر گجه مهمان ننه
جانیم سنه قربان ننه
..
..
..
..
ای روحیمه ریحان ننه #مادر_محمد_هوشمند
نظر دهید