« لبّیک آقام لبّیک »
.
.
زبدة الاشعار
.
: @nohe_torki
.
#سبک_نوایی_نوایی #سبک_همه_جا_بروم و …
.
مصیبی تبریزی
.
ای شاه مظلومان لبیک حسین لبیک
جانلار سنه قربان لبیک حسین لبیک
.
.
سویله عزاداره دردی اولانلاره
صدق و صفا دلده گلسون بو درباره
دردین دئسون شاه و قولسوز علمداره
ایلَلـلَه واللّهی هر دردینه چاره
.
.
ای شیعیه حجّت وی قائم نهضت
سن بیل آنان جانی وئر عشقیمه قیمت
بو بی ریا جَمعه ایله ئوزون قسمت
گوندر مزاریندان بیر نامۀ دعوت
.
.
شمس وقمر سسلرلبیک حسین لبیک
ریح و مَطَر سسلر لبیک حسین لبیک
بو سینه زن دسته عشق ومرام اوسته
شام و سحر سسلر لبیک حسین لبیک
.
.
ای قانینه غلطان قانه باتان عطشان
کان سخاوت سن عالملره سلطان
بیز سائل کویون سن معدن احسان
قووما بیزی شاها درگاه پاکیندان
.
.
ای فخر ائدن یرده طفل لب عطشانه
قانلی بوغازیندا اوچ شعبه پیکانه
سندن بو عاشقلر ایستور یانا یانه
علقم کناریندا قورسون عزاخانه
.
.
مست ائت بیزی مولا جام وثاقیندن
قانه باتوب گوزلر قبرین فراقیندن
احسان ائله آقا لطف و سیاقیندن
گلسون بو جمعیت ئوپسون رواقیندن
.
.
سبط یَدُاللّهه بیزدن سلام اولسون
باشسیز قالان شاهه بیزدن سلام اولسون
سِرّ فَدَیْناهه بیزدن سلام اولسون
اول قانلی درگاهه بیزدن سلام اولسون
.
.
ای سبط پیغمبر وی معرفت کانی
سندن آلار شیعه هر درده درمانی
وئرروخ قسم مولا سن بیل آنان جانی
کسمه بوهیأتدن سن لطفیوی آنی
.
.
جرم و خطا بیزدن مولا عطا سندن
سؤز و بُکا بیزدن قلبه صفا سندن
ذکر و دعا بیزدن جود و سخا سندن
مین آه و وا بیزدن بیر کربلا سندن
.
.
دلده صفا اولدوق درگاهیوه سائل
کبر و ریانی بیز ائتدوق آقا زائل
گل اول بو اخلاصه ارزش ئوزون قائل
ایله بیزی مولا اعزازیوه نائل
.
.
لطف و عطا ایستر گویده ملک سندن
دریاده احسانین آلمیش سَمک سندن
ال بو «مصیّب» دن شاها اتک سندن
هاردا دوشر درده ایستر کمک سندن
.
.
.
#حسینیه_مدح
#ورود_محرم
#ای_شاه_مظلومان_لبیک_حسین_لبیک
#ترکی
.
#زبدةالاشعار
.
: @nohe_torki
نظر دهید