زبدةالاشعار

ای شمر حیا ایله خدادن #حسینیه_صحاف_تبریزی

نوحه روز عاشورا شهادت حضرت سیدالشهدا(ع)
.
.
مرحوم صحاف تبریزی
.
.
ای شمر حیا ایله خدادن
ال چک بو غریب کربلادن
.
.
از بسکه دوتوبدی گوزلرون قان
قان قان دیوسن بو چولده هر آن
ظلمونده بو قدری ایتمه طغیان
شرم ایله خدای کبریادن
.
.
ظالم گوروسن یاراسی چوخدی
بیر صاف یری پیکرینده یوخدی
باشدان باشا زخم نیزه اوخدی
جسمنده یارا گیچوب یارادن
.
.
بیحالیدی ضعف ایدوب عطشدن
ال چک داخی سن بو کشمکشدن
قوی بیر گله باری حاله غشدن
گلمور نفسی دوشوب صدادن
.
.
بیر جسم که اولدی پاره پاره
وورمازلا اونا یارا دوباره
ساخلا الیوی چکل کناره
کسمه باشنی سوسوز قفادن
.
.
چوخ تشنه دی بو غریب و بیکس
باری بیر ایچیم سو ویر باشین کس
یوخدور سسینه بوگون ویرن سس
بیر کیسمه اوتوز مین اشقیادن
.
.
جسمندہ ده کثرت جراحت
بو یاره بو شدّۀ حرارت
سوز عطشینده یوخ نهایت
گون ایستیسی اود یاغور سمادن
.
.
ظالم بوحبیب کبریادی
فرزند علیِّ مرتضادی
کافر دگی سبط مصطفادی
ال چک داخی حرف ناسزادن
.
.
بو ایستی قوم اوسته گون دگنده
آرتار یارا سوزشی بدنده
دلدن یانوب العطش دیینده
داش نیزه قلج گلور هوادن
.
.
بو سینه دی علم حقّه مخزن
سن چکمه لی ایتمسن نشیمن
دور قبلیه دوندروم یوزین من
صرف نظر ایت بو بینوادن
.
.
بیر جان ویره نی ایدلّه راحت
جان اوسته دی بو شه شهادت
اینجتمه بو قدری ویرمه زحمت
گل شرم ایله جدّی مصطفادن
.
.
حددَن گیچوب اشقیا جفاسی
گور وار یارا دگمه میش هاراسی
دورت مین وورولوبدی اوخ یاراسی
بیر سینیه قوم بیحیادن
.
.
زهرا قیزی ایتدی هر قدر داد
شمر ایلدی کینه سینده بیداد
اوج ایلدی آه و داد و فریاد
افلاکه او بنت مرتضادن
.
.
تا ظلم الین آچدی شمر کافر
مابین ده حاکم اولدی خنجر
گوی اهلی گلوب نوایه یکسر
قان آغلادیلار بو إبتلادن
.
.
باخ سنده او عرصۀ قتاله
گور زینبی ایله آه و ناله
سالمازلا بیر عورتی او حاله
یان آغلا او حال غم فزادن
.
.
بیر کشمکش اولدی عقل حیران
زهرا قیزی اولدی قانه غلطان
دوشدی یره معجری باشندان
طاقت کسیلوب او باوفادن
.
.
جان اوسته گوز آچدی حجت الله
گوردی باش آچوقدی عصمت الله
جوش ایلدی بحر غیرت الله
بو ظلم و جفای ناروادن
.
.
اوز فکرینی شه باشندان آتدی
یاددان یارا سوزشین چیخاتدی
خونِ دلین اشگ چشمه قاتدی
صبر ایستدی زینبه خدادن
.
.
فرمایش ایدوب شَهِ لب عطشان
دورما باجی بوردا دیده گریان
گیت خیمه لره چوخ ایتمه افغان
چکمز بو ستمگر آل جفادن
.
.
شرم ایتمدی شمر گوز یاشوندان
سالدى یره معجرون باشوندان
ال چک بو یارالی قارداشوندان
قان ایلمه باغرون التجادن
.
.
صحاف الونده یاندی خامه
ویرمه داخی طول بو کلامه
یتمز بو مصیبت اختتامه
قان اولدی گوگل بو ماجرادن
.
.
#حسینیه #صحاف_تبریزی #حسینیه_شهادت #قتلگاه #ترکی #زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...