ای شه گلگون کفن کرب و بلا یاحسین #حسینیه_بیدقداری

یاحسین
..
..
..
مرحوم حاج داود بیدق داری
..
..
..
ای شه گلگون کفن کرب وبلا یاحسین
یاره لنن پیکریوه شیعه فدا یاحسین
عالمه جانان حسین
جان سنه قربان حسین
..
..
..
ای ئوزی دریا لب دریاده قالان تشنه لب
دور مزارینده ملائک دولانان روز وشب
عشقیوه خاطردی اورکلرده اولان تاب وتب
یکسره یئر گوی سنه عاشقدی آقا یاحسین
..
..
..
سرور دین حقه معین زهره جبین مقتدا
نور سماوات وزمین عین یقینه ضیا
عرشیده نوری یارانوب ساجد اولان ابتدا
خلقته زینت شرف آل عبا یاحسین
..
..
..
حبل متین ماء معین قبله ی عرفان آقا
حکمت جان حجت حق منبع احسان آقا
جانی چخان قوملارین اوستونده ئوزی جان آقا.
قاتلینه یوخ دئمین روح سخا یاحسین
..
..
..
سن که یخلدون اوجالوب پرچم عدل وشرف
عالمه معنا اولونوب قدرت عشق وهدف
سسلدی اوغلوم ایوون آباد اولاشاه نجف
قانوویلن دین خدا تاپدی بقا یاحسین
..
..
..
راوی دئیور گوردوم اوگون دوشدی حسین مقتله
چاتدی مرامه یوزی قاره اوخ آتان حرمله
تادئدیلر ئولدی حسین اولدی حرم ولوله
سس اوجالوب عرشه چاتوب غملی صدا یاحسین
..
..
..
لشگره آختاردیقی فرصت یتشوب ناگهان
قصد طلائیله هجوم ایلدیلر بی امان
قمچیلر اللرده دییرسنکه اولوبدور ایلان
هرقیزا دگدی یخلوب قیلدی نوا یاحسین
..
..
..
الده کی مشعللری تا آتدیلا اهل جفا
اهل وفا خیمه لری یاندی اودا برملا
سنده یوخیدون اولاسان قیزلارا یاور آقا
چوللره نازلی بالالار اولدی رها یاحسین
..
..
..
#حسینیه #بیدقداری #حسینیه_مدح #حسینیه_شهادت #ترکی #زبدةالاشعار