ای شیعه حسیندن قالان آثار پوزولماز #عباسیه_تقایی_اردبیلی

حالات حضرت ابوالفضل العباس (ع )
..
..
‌مرحوم تقایی اردبیلی
..
..
ای شیعه حسیندن قالان آثار پوزولماز
قاندان قورولان دولت بیدار پوزولماز
..
..
بیر نهضت عظما که شهادتی اساسی
وار پیر نود ساله و شش ماهه قواسی
بیر دولت پاینده که قانداندی بناسی
هر توطئه ده ایلسه اغیار پوزولماز
..
..
بیر وادی عشاقی ائله گوزده مجسم
یتمیش ایکی وارسته دی بیرصفده مصمم
یتمیش ایکی جانبازه طرف اولسا بیر عالم
واضحدی بو سوز ایده ابرار پوزولماز
..
..
مستغرق دریای غمم ای دل بیدار
محنت لر ائدورگوندوزومی گوزده شب تار
عباس بیر اردوده اگر اولسا علمدار
دشمن نه قدر اولسادا پرگار پوزولماز
..
..
عباس سزادور اولا غمخواری حسینون
سردار سر افراز و فداکاری حسینون
بیرگوز ، ایکی قول وئرسه ده سرداری حسینون
وصله چاتارعشقینده کی سرداری پوزولماز
..
..
جان نقدینی جانانیه خاطر ائدوب حراج
گلمزدیله اولسا سینه سی نین اوخا آماج
باشداندا گئچر تا ائده سرنیزده معراج
سر قالسا سر داریده سردار پوزولماز
..
..
نهراوسته دوشوب طاقتنی غملرائدوب طاق
عاشق گوروب آخر گورشه قلبینی مشتاق
یوز دوتدی خیامه دئدی ای سرور عشاق
گلسون باشیم اوسته بو دل افکار پوزولماز
..
..
وئر باده که پیمانه ده پیماندا سنوندور
اللرده سنون باشدا کی بو قاندا سنوندور
هیهات ائدم شکوه حسین جاندا سنوندور
هر درده دوزر یاره گوره یار پوزولماز
..
#عباسیه #تقایی_اردبیلی #عباسیه_شهادت #ترکی #زبدةالاشعار