ای صبا یلی همت ایت وار غم نهانیم #کاظمیه_زلفی_تبریزی

زبانحال حضرت امام کاظم علیه السلام
.
.
#سبک
پخش‌کننده صوت

.
حاج علی زلفی تبریزی
.
.
ای صبا یلی همت ایت وار غم نهانیم
آخرین نفسده فقط وار سنه گمانیم
سال یولون بقیعه خبر ویر بتوله گلسون
رآفتیله سیلسون آنام چشم خونفشانیم
.
عالم نهیبی موسی ابن جعفرم من
غملر شکیبی موسی ابن جعفرم من
زندان غریبی موسی ابن جعفرم من
.
.
.
.
اولمادی بو زندانیده من غریبه چاره
بوینومی غل اهرمن ایلیوبدی یاره
وار ایاقلاریمدا آغیر کنده کنج زندان
تار و تیره دور اف اولا چرخ روزگاره

عالم نهیبی …
.
.
.
.
اون بیرایل بو زندانیده حالیمی بولن یوخ
وار جراحتی جسمیمون مرهم ایلین یوخ
گوزلریم نه مدت قالوب یولده انتظارم
نه رضا نه معصومه نه یانیمه گلن یوخ

عالم نهیبی …
.
.
.
.
ساحتیم منزهدی بولمم ندور گناهیم
عرش داوری یاندیرار گونده سوز و آهیم
سند نابکار ایلیوب رکن دینی محزون
چاره سیز قالان لحظه لر رب اولوب پناهیم

عالم نهیبی …
.
.
.
.
قرب حق بو زندانیده باشمی اوجالتدی
پوزدی رنگ رخساری محبس منی قوجالتدی
سیلی وردی رخساریمه پاسبان هارون
حالیمی مشوش ایدوب صورتیم سارالتدی

عالم نهیبی …
.
.
.
.
بیر بیله جفایه عدو ایتمدی قناعت
حال زارینه باخمیوب قویمیوبلا راحت
قمچی لر وروبلار باشیندان قولوندان اعدا
زهر کینیله باغریقان ایتدیلر نهایت

عالم نهیبی …
.
.
.
.
یوخدی بیر نفر تا یوزون قبلیه چویورسون
اولمادی رضا باشینی تا دیز اوسته آلسون
جان ویروبدی زندانیده آغلاشوب ملک لر
وار یری بو غمده فلک باشه قاره سالسون

عالم نهیبی …
.
.
.
.
اولمادی گلن بیر نفر ایلیولله صحبت
جسم شاهی تشییع ایده وار خبر صراحت
دفن اولمادی جسمی اوچ کون مثال جدی
دفن اولماقوندا حسینیله وار شباهت

عالم نهیبی …