ای عزیز جان زینب گئتمه قارداش دور امان دور #وداع_فرقانی_محبی

زبانحال حضرت زینب (س) در وداع امام حسین علیه السلام
.
.
مرحوم حاج محمد آقا فرقانی (محبی)
.
.
ای عزیز جان زینب گئتمه قارداش دور امان دور
وار آنامدان بیر وصیت بیر قدم ساخلا دایان دور
.
.
صبر قیل ایله تحمّل محضر پاکه یتوم گئت
محر پاکونده باری عرض حالی عرض ائدوم گئت
خاک پاک پایون آخر ای برادر بیر اؤپوم گئت
دیزلریم گلمور برادر صبر قیل بیر آز امان دور
.
.
ای قضای حقّه راضی منده قارداش بول رضایم
هر غمونده چون شریکم ، یوخدی بیر درده گلایم
گر یتم دنیاجه محنت تابع امر قضایم
ای قضای حقّه راضی امرینه تسلیم اولان دور
.
.
ای گئدن میدان مرگه سرعتیله بیله گئتمه
قالموری قارداش توانیم زینبه لطف ایله گئتمه
اشگ چشمیم گوزده آردونجا دونوبدور سیله گئتمه
من دئمم بالمرّه گئیتمه گئت ولی بری آز دایان دور
.
.
وقت رحلتده آنام چون ایلیوب بیله وصیّت
قزلارون قارداش باخوردی تاپمادیم بیر ایله فرصت
تا اؤپم قارداش بوغازون اولمیا ترک وصیّت
قوی اؤپوم یاندیم اماندور ای جهانی یاندوران دور
.
.
جرعۀ جام الستی سن که ایچدون منده ایچدوم
حق یولوندا ماسوادن سنده گئچدون منده گئچدیم
ملک دلده صبره جامه سنده بیچدون منده بیچدوم
صبرین آلّام اختیارین وئرمرم صبره عنان گئت
.
.
من دئمم شامات اسیری زینبه قارداش گراندور
پاسبان یوللاردا گر چه خولی و شمر و سنان دور
شامه تک یتسه چهانین هر بلاسی نوش جاندور
شامیان شامی دور امّا بی دوا زخم زبان دور
.
.
فرقت احبابخ دؤزماق دلده دریا قوّت ایستر
گورماقا دیدار یاری چوخ دیار غربت ایستر
چوخ مشقّت چوخ اذیّت چوخ بلا و محنت ایستر
هر بلا و هر اذیّت حق یولوندا نوش جان دور
.
.
اول پیاده ای عزیزیم باشیوه دؤنّم دولانّام
سن بولورسن فرقتونده جسمده جان واردی یانّام
هر بلا گلسه یولوندا جان دیوب دلدن دایانّام
لطف قیل بو بینوانی باشوا قارداش دولاندور
.
.
وئرموسن دلداره دل گئت عشقوه قارداش بنازم
وئرماقا باش تشنه امّا حیف اولا من بی نیازم
آتش هجرونده جانا هم بسوزم هم بسازم
سوزیم آرتسا صبریم آرتار سازش فرقت یاماندور
.
.
بو دیار کربلاه یتدی هر قدری مصیبت
ایلدیم سنلن برادر هر مصیبتده شراکت
آرتاجاق سندن صورا چون مشکلاتیم بی نهایت
سهل سانّام نیلوم آخر شغلی لیلانین فغاندور
.
.
گر چه بوللم اولموش حقدن کربلا اوضاعی تقدیر
بولمور اطفالون ولیکن وار قاباقدا قید و زنجیر
گوردون اولموشدی خیمده غصّه دن قیزلار گلوگیر
بولسه لر نیله لّه قیزلار شمر بی دین پاسبان دور
.
.
چکمور ال شاها محبّی مبتلادور بی نهایت
بیر نظر قیل آخر عمرینده تا تاپسون فراغت
هر ایکی دنیادسینه اول بیر نظر ایلر کفایت
سندن ای شه هر نفس هر مرده جسمه تازه جان دور
.
.
#وداع #فرقانی_محبی
#حسینیه_وداع
#ای_عزیز_جان_زینب_گئتمه_قارداش_دور_امان_دور
#ترکی
#زبدةالاشعار