ای عموجان گور قوریوب لبلریم #فرات_کاتب_اردبیلی

بحر طویل
عرض حال سکینه (س) به حضرت اباالفضل (ع)
سوال و جواب
.
#زبدةالاشعار
.
: @nohe_torki
.
مرحوم کاتب اردبیلی
.
ای عموجان گور قوریوب لبلریم
سروریم یاوریم
یاندی سوسوزدان جگریم الامان
دلده اولوبدور سو آدی ازبریم
سروریم یاوریم
یاندی سوسوزدان جگریم الامان
مشکوه قربان عمو
قیل منه احسان عمو
.
.
.
تشنه قالوب آل پیمبر تمام
خورداجا قیزلار دوتوب اللرده جام
سو ایچر اعدا بیزه اولمش حرام
چاره قیل ای عمّ وفاپروریم
سروریم یاوریم
یاندی سوسوزدان جگریم الامان
.
.
هاردا روادور بو ستم ای عمو
سو یولینی باغلیا قوم عدو
تشنه قالاخ بیز آخا صحرایه سو
ظلمیله سینمده قالا اللریم
سروریم یاوریم
یاندی سوسوزدان جگریم الامان
.
.
سوز عطشدن یانار اهل حرم
گئت سودان اوتری عموجان قیل کرم
سپ یوخاری آب فراتی بو دم
سو یوزینی بلکه گوره گوزلریم
سروریم یاوریم
یاندی سوسوزدان جگریم الامان
.
.
سو نیه وئرمزله بو اعدا بیزه
کیمدی حرام ایلین آیا بیزه
جدیم ائدّوبدور سنی سقا بیزه
قویما سوسوزدان سولا بو گللریم
سروریم یاوریم
یاندی سوسوزدان جگریم الامان
.
.
ائتمه سکینه بو قدر ناله سن
قلبیمی یاندیرما سن ای ممتحن
یا سنه تئزلیکجه گتورّم سو من
یا سالی بو قولّاری دشمنلریم
سروریم یاوریم
یاندی سوسوزدان جگریم الامان
.
.
گتدی قوناق بیزلری اهل جفا
ایلدیلر درد و غمه مبتلا
سهلدی یانسامدا من بینوا
آز قالوب آخر وئره جان اصغریم
سروریم یاوریم
یاندی سوسوزدان جگریم الامان
.
.
واردی نه قدری بدنیمده قولوم
لشگر اعدا کسه بیلمز یولوم
اصغره قرباندی بو صاق و صولوم
بیرده دئمه غش ائلیوب اصغریم
سروریم یاوریم
یاندی سوسوزدان جگریم الامان
.
.
ای عموجان خیمه لره قیل نظر
خوردا اوشاقلار هامی افغان ائدر
گور نجه الماء دیر سربه سر
آغلار هامی عترت پیغمبریم
سروریم یاوریم
یاندی سوسوزدان جگریم الامان
.
.
.
سودان اوتور آغلاما آی بی قرین
قیلما زیاده عموون غملرین
وئرسون اجازه منه سلطان دین
سو یولینی خیمه لره دوندریم
سروریم یاوریم
یاندی سوسوزدان جگریم الامان
.
.
پرچم آچوبدی نقدر بو علم
یوخدی سکینه سنه بیر اوزگه غم
اولماسا سو اوسته بو قوللار قلم
قویمارام حاشا سولا بو گللریم
سروریم یاوریم
یاندی سوسوزدان جگریم الامان
.
.
بسدی داخی کاتب شوریده سر
نالیه گلدی هامی جن و بشر
یاز گینه بو فردی توک اشک بصر
یاندی سوسوزدان جگریم الامان
سروریم یاوریم
یاندی سوسوزدان جگریم الامان
.
.
#فرات #کاتب_اردبیلی
#شب_عاشورا
#ای_عموجان_گور_قوریوب_لبلریم
#ترکی
.
#زبدةالاشعار
.
: @nohe_torki