ای فروغ ماه رویون عالم آرا یا حسین – #حسینیه_علی_شهودی

یا حسین …
.
زبدة الاشعار

?: @nohe_torki
.
علی شهودی
.
ای فروغ ماه رویون عالم آرا یا حسین
ای فدای خاک پاکون عرش اعلا یا حسین
.
ای نجاتون کشتیسینده یئر دوتان نوح نبی
خاکبوس درگهون اهل تولا یا حسین
.
اونداکی گوردون گئدیر کم کم حرام اولسون حلال
کیم سفر اسبابینی ائتدو ن مهیا یا حسین
.
اونداکی گوردون گره ک دین اوسته جان اولسون فدا
ائتدون استقبال اولومده ن بی محابا یا حسین
.
گر چی سن لب تشنه جان وئردون کنارنهرده
تشنه لعل لبوندور هفت دریا یا حسین
.
ذیبح ائده نده قتلگهده باشووی شمر لعین
سسلییردی عالم معناده زهرایا حسین
.
آغلایان گوز ماتموندا آغلاماز محشر گونی
اجر آلیبدیر من بکی و او تباکا یا حسین
.
ایلییر گوردون یزید احکام دینی پایمال
ایلدون قانیلا سن اسلامی احیا یا حسین
.
دشمنون هر چند ائتدی باشووی تنده ن جدا
قویدی ایزد باشووا تاج فدینا یا حسین
.
کربلا ده گوردو عالم اوج مظلومیتی
اونداکی حدده ن سووشدی جوراعدا یاحسین
.
اوندا کی آتدان ییخیلدی قاسم گلگون کفن
اوندا کی سسلندی گل امداده مولا یاحسین
.
اوندا کی تیرسه شعبه سوکدو اصغر حلقینی
کهکشان راه شیری چکدی قیها یا حسین
.
چون سودان نور جمالون جلوه لندی ناگهان
اود دوتوب عشق آتشینده یاندی سقا یا حسین
.
ای قتیل اشقیا اولمگ سعادتدور سنه
بو سعادتده ن تاپیبسان فیض عظما یاحسین
.
قتلگهده ن جلوه لندی لمعه لمعه نور عشق
کربلانین دشتی اولدی طور سینا یا حسین
.
عصر عاشورا اودم کی اولدی تالان خیمه لر
خیمه اندوه و ماتم اولدی برپا یاحسین
.
عزت نفسون سنون اولموش زبانزد عالمه
عبد دنیا اولمادون ای عبد یکتا یا حسین
.
بیر قیام ائتدون کی عرش و فرشی حیران ایلدون
اقتدا ایلر سنه احرار دنیا یا حسین
.
#حسینیه_مدح
#ای_فروغ_ماه_رویون_عالم_آرا_یاحسین
#علی_شهودی
#ترکی
.
#زبدةالاشعار

?: @nohe_torki