ای قانه باتان زلف مطراسی اوغول وای #اکبریه_صحاف_تبریزی

زبانحال حضرت سیدالشهدا (ع)
بر بالین حضرت علی اکبر (ع)
..
..
..
..
مرحوم صحاف تبریزی
..
..
..
..
ای قانه باتان زلف مطرّاسی اوغول وای
صد پاره سوسوز دوغرانان اعضاسی اوغول وای
..
..
..
..
آلدیم سسیوی خیمده فریادیوا گلدیم
آخر نفسونده یتیشم دادیوا گلدیم
آچ گوزلریوی یاتما دور امدادیوا گلدیم
ای چرخ وفا مهر دل آراسی اوغول وای
..
..
..
..
گوردوم سنی جان اوسته ایله چخدیم اوزومدن
بی فاصله خوناب دلیم آخدی گوزومدن
دل اهلی بولر حالیمی واضح بو سوزومدن
وای قلبیمون آرام و تواناسی اوغول وای
..
..
..
..
از بسکه وروب یاره بو گل جسمیوه اعدا
باشدان ایاقا صاف یری یوخ دوغرانوب اعضا
من صبر ایدرم گورسه بو نوعی سنی لیلا
عرشه اوجالور شیون و غوغاسی اوغول وای
..
..
..
..
باشوندا علی تک علی شقّ القمرون وار
جانانیوه لایق نه گوزل تاج سرون وار
مرجان کیمی قانه بلشن زلف ترون وار
قانیله دولان نرگس شهلاسی اوغول وای
..
..
..
..
کونه یرى وار دوشسه شرر سوز دلیمدن
دوتدون قوجا وقتیمده على یاخشى الیمدن
تا وار نفسیم دوشمز آدون بیرده دلیمدن
ای یاره لری زینت زیباسی اوغول وای
..
..
..
..
ای گوزلریمون نوری گوز آچ یاتما اویان دور
آز ناله و فریادیمی افلاکه دایاندور
دور دوت ألیمى باشووا بو چولده دولاندور
ای خیمه لریمده دوتولان یاسی اوغول وای
..
..
..
..
تا گلدی سسون خیمه لره آهیم اوجالدی
اندوه و ملالیم چوخالوب صبریم آزالدی
لیلا بالا وای سسلدی بیر حالته قالدى
آغلاتدی حرم اهلینی سیماسی اوغول وای
..
..
..
..
صحاف توک اشگون یوزه گل شور و نوایه
آهون اوجالا شام و سحر عرش خدایه
چوخ اولدی مؤثر بو سوزون اهل عزایه
ای قانه باتان زلف مطراسی اوغول وای
..
..
..
#اکبریه #صحاف_تبریزی #اکبریه_شهادت #ترکی #زبدةالاشعار