ای لعل لبی طعنه ویران ماء معینه #مهدیه_شکیب_تبریزی

یا مهدی
..
..
..
..
مرحوم احمد خانی (شکیب تبریزی)
..
..
..
..
ای لعل لبی طعنه ویران ماء معینه
حسرتده دی دنیا او رخ پرده نشینه
..
رد ایله نقابون گورونه ماه جمالون
شوریله باخوم بیرده او لعل نمکینه
..
نوروندن آلا نور و صفا کوکب بختیم
رویای وصالون دونه لطونله یقینه
..
خلوتکدۀ عشقیده گوزلر سنی گوزلر
لطف ایله قدم قویگیله بو کشور دینه
..
باشیم اوجالار عرشه اگر بیر نظر ایتسن
اول نرگس شهلائیله بو خاک نشینه
..
مژگانیله گرد رَهیوی پاک ایلرم من
توز قونمیا او زلفوله سیمای متینه
..
بو محفل عشقیمده اگر جلوۀ حسنون
گورسم داخی رغبت ایلمم خلد برینه
..
گوزلر سنی عُشاق گوزی کوی ولاده
گل گل گوزلیم ایندی فراهمدی زمینه
..
گل محفل عشقه قدمون قوی گوزوم اوسته
حسرت توزی تا قونمییا بیرده بو جبینه
..
عطرونله معطّر ایله گلزار وفانی
ای طعنه ویران رایحۀ نافۀ چینه
..
گوسترگیله عاشقلریوه رشتۀ زلفون
ای چنگ ویران شوقیله اُول حبل متینه
..
بیر گوشۀ چشمیله #شکیبه نظر ایله
تا توشه اولا وعده گه باز پسینه
..
..
..
..
#مهدیه
#ای_لعل_لبی_طعنه_ویران_ماء_معینه
#شکیب_تبریزی
#ترکی
#زبدةالاشعار