وداع حضرت سید الشهدا (ع)
.
#زبدةالاشعار
.
: @nohe_torki
.
#سبک_احوالیمیز_یاماندی … 10 سبک … قان یاغدی کربلاده … ای دست دلرباسی …
.
.
حاج روح الله رمضانی
.
ای محنت و بلادن قلبی یارالی زینب
دورسال یولا حسینی باشی بلالی زینب
.
.
چون وقت اووقت اولوبدی گوزدن سیزی آتام من
احیای دینه خاطر القانیمه باتام من
جان بذل ائدیب حق اوسته مقصودیمه چاتام من
چوخداندی گوزلییردیم روز وصالی زینب
.
.
عاشق گرک همیشه عهدینده صادق اولسون
حکم شریعتیله، فعلی مطابق اولسون
قرآن یولوندا هرنه غم گلسه شایق اولسون
راضی اوزوندن ائتسون تا ذوالجلالی زینب
.
ای کربلا چولونده یالقوز حسینه غمخوار
بوخیردا قیزلاریما سن سن باجی پرستار
عباسیمین یرینده ائتدیم سنی علمدار
قارداشیمین وفا ده سن سن مثالی زینب
.
ای فاطمه آنام تک دین خدایه ناصر
لازمدی حشر اولونجا ترویج اولا شعائر
قرآن یولوندا سنده اول هربلایه صابر
ویرسین سنه خدا تا زرین مدالی زینب
.
بو آخرین گئدیشدی ای فاطمه نشانی
دل یاندیران سوزوم وار بو آیریلیق زمانی
قیزلاردان اول مواظب رام ایله آغلیانی
یوخ خیمیه حسینون گلماخ خیالی
.
ای قلبیمون قراری بیر بیله توکمه گوزیاش
بو محنت و بلایه وار حق یانیندا پاداش
مندن صورا سنیله غم غصه اولدی یولداش
هجریمده آغلیارسان ماهیله سالی زینب
.
دور سال یولا حسینی چوخ گلمه شوروشینه
گوزیاشین ائتمه جاری اوت ویرما عالمینه
عباس و اکبر اولموش نوبت یتوب حسینه
دوشسون گرک حسینده سندن آرالی زینب
.
.
#وداع_رمضانی_خاکی
#ای_محنت_و_بلادن_قلبی_یارالی_زینب
#ترکی
.
#زبدةالاشعار
.
: @nohe_torki
نظر دهید