زبانحال حضرت امام حسین علیه السلام به جوان نصرانی در قتلگاه
.
✍️ زبدة الاشعار ✍️
?: @nohe_torki
.
مرحوم راثی
.
ای مسیحی زاده آخرمن شه گلگون قبایم
من بوچولده بیکسم بی یاورم بی اقرابایم
.
باب پاکیم ایلیا دورسِفرتوراته یازولمش
قارداشیم شَبروشُبیرم نورچشم ایلیایم
.
جدّیمون آدی گلوب انجیلیده فارو قلیطا
سبط پاک احمدم آرام جان مصطفایم
.
بوضلالت ظلمتینده اولموشام شمع هدایت
هادی دینم ره حقه ازلدن رهنمایم
.
زهرۀ زهرا آنام دور مریم وسارا کنیزی
عیسی گردون نشینه پیشوا و مقتدایم
.
ترک ایله اغیاری بیرآن آچ گوزون مرآت دلده
منده وجهُ اللهَ سیرایله نجه گور دلربایم
.
آشنااولموش بلاعالمده چون اهل ولایه
سرور اهل بلایم هر بلایه آشنایم
.
گرسنی مأمور ایدوبلرقتلیمه بو قوم کافر
بیله اظهار ایلیوبلر صاحب جرم وخطایم
.
اهلبیتیم آغلاشوللارخیمه لرده زارونالان
من یارالی قوملاراوسته تشنۀ تیغ جفایم
.
خیمه وخرگاهیمی تالان ایدوب سوزان ایده للر
یکسراموالیم گیدرتاراجه منهوب الکسایم
.
بجدله انگشت وانگشتر ایکی اَل ساربانه
من عطاقیلّام بوچولده منبع جودوسخایم
.
باشیمی نوک جداده گزدیرللر شهر لرده
ایلرم اتمام حجت آیت معجز نمایم
.
هربلایه چون ازل جانانیمه من عهد ویردیم
نوش قیلّام هر بلانی عهدیم اوسته باو فایم
.
چکمه خنجرباتما ناحق قانه دامانون بویاتما
سن دگیلسن قاتیلیم مقتولِ اشقی الاشقیایم
.
هر قدر اطفاء نوریمده ایدللر سعی لیکن
نوریم آرتارچونکه خاموش اولمیان نورر خدایم
.
قاتیلیم ایمدی گلور جدّیم پیمبردن اوتانماز
اون ایکی ضربتله ظلمیله ذبیحا من قفایم
.
یاروانصاریم هواداریم بوچولده ویردیلرجان
بیرعلمدارین غمینده خم اولان قدّی دوتایم
.
اهلبیتیم دست بسته ناقه اوسته زارو خسته
اهل کفر وظلم وطغیان ایچره مسبّی النسایم
.
واله عشق حبیبم مست میثاق الستم
جرعه نو ش بادۀ میخانۀ قالو بلایم
.
زخم کاری ساغریمدورتیغ ساقی قان شرابیم
چون پیاپی نوشدور سرگرم بزم ابتلایم
.
قاب قوسین رضای حقّه چون معراج قیلّام
من بویولدا شهسواررفرف نوک جدایم
.
آت چاپالاّرسینم اوسته کوفیان نا مسلمان
جسمیمی عریان سالولاّریرده مسلوب الرّدایم
.
مصحف روئیمده پیدا سّرمشکات ایچره مصباح
حُسنده والّیل مو والشمس رویم والضحایم
.
اولماسا فیض وجودیم لمحه ای هرگزدایانماز
فرش غبرا چتر خضرا لنگر ارض و سمایم
.
ویرموشم جاه وجلال وشوکت وشأنی فنایه
سالک بیدار عشقم شاه اقلیم بقایم
.
قانه غلطان اولموشام من سربسرجسمیم یارادور
ویرمه میش سواولدورللرتشنه قربان منایم
.
باشیمه هر نه بلا گلسه بلایه لا دیمم من
چون رضای دوستدورمن جان ودلدن چوخ رضایم
.
دوت حسینین دامنیندن راثیا خوف ایتمه بیر آن
ایلیوب اعلان اوزی من شافع روز جزایم
.
تضمین مرحوم #هوشی_تبریزی از این شعر در هشتک زیر
#تخت_عزتده_بو_گون_من_شاه_اقلیم_وفایم
.
#اصحاب_الحسین
#جوان_نصرانی
#ای_مسیحی_زاده_آخر_من_شه_گلگون_قبایم
#راثی_تبریزی
#ترکی
.
✍️ #زبدةالاشعار ✍️
?: @nohe_torki
