شام غریبان
گفتگوی حضرت حسین(ع) با حضرت رقیه (س) در گودال قتلگاه
..
..
..
..
مرحوم نخستین اردبیلی
..
..
..
..
ای منیم آرام جانیم چولری آواره گزمه
سویگلوم شیرین زبانیم چولری آواره گزمه
گل قیزیم تلّ اوسته دورما
گه گلوب گاهی اوتورما
..
..
..
..
سینه مون اوسته یرون وار چولّری ویلان دولانما
یِرووی دوتوبدی اوخلار چولّری ویلان دولانما
حالووه یارام قان آغلار چولّری ویلان دولانما
گل قیزیم تلّ اوسته دورما
گه گلوب گاهی اوتورما
..
..
..
..
اوخلاری چکوب آتارسان، سینه مون اوسته یاتارسان
من کیمین قانه باتارسان ، سینه مون اوسته یاتارسان
عالمی گوزدن آتارسان، سینه مون اوسته یاتارسان
گل قیزیم تلّ اوسته دورما
گه گلوب گاهی اوتورما
..
..
..
..
گوزله خنجر یاره سیندن ،عاجزم من چاره سیندن
نیزه و اوخ پاره سیندن ،عاجزم من چاره سیندن
ال چکن گوشواره سیندن ،عاجزم من چاره سیندن
گل قیزیم تلّ اوسته دورما
گه گلوب گاهی اوتورما
..
..
..
..
گلشنون ویران اولوبدی گول کیمین رنگون سولوبدی
خوردا قلبون قان اولوبدی گول کیمین رنگون سولوبدی
درد بی درمان اولوبدی گول کیمین رنگون سولوبدی
گل قیزیم تلّ اوسته دورما
گه گلوب گاهی اوتورما
..
..
..
..
دیده سی گریان بالام گل گزمه سرگردان بالام گل
سینه سی سوزان بالام گل گزمه سرگردان بالام گل
دردی بی درمان بالام گل گزمه سرگردان بالام گل
گل قیزیم تلّ اوسته دورما
گه گلوب گاهی اوتورما
..
..
..
..
قورخودان یاپراق تک أسمه ، ناز پرورسن تلسمه
رشتۀ امّیدی کسمه ، ناز پرورسن تلسمه
ویرسالار یالوارما خصمه ناز پرورسن تلسمه
گل قیزیم تلّ اوسته دورما
گه گلوب گاهی اوتورما
..
..
..
..
بیلمه دی عَمّون گلنده قویمادی جان قورخی سنده
گزمه بو پوزقون چمنده قویمادی جان قورخی سنده
صبر ایله یوخ چاره منده قویمادی جان قورخی سنده
گل قیزیم تلّ اوسته دورما
گه گلوب گاهی اوتورما
..
..
..
..
سن گؤزه ل ایستکلی قیزسان آغلاما نازلی رقیم
بیلورم آجسان سوسوزسان آغلاما نازلی رقیم
عموسیزسان قارداشسیزسان آغلاما نازلی رقیم
گل قیزیم تلّ اوسته دورما
گه گلوب گاهی اوتورما
..
..
..
..
ای منیم ایستکلی یاریم ، بلبل فصل بهاریم
خوش گونوم خوشروزگاریم ، بلبل فصل بهاریم
غم یمه غملو نگاریم ، بلبل فصل بهاریم
گل قیزیم تلّ اوسته دورما
گه گلوب گاهی اوتورما
..
..
..
..
توز دوتوب خوش خط و خالون توز دوتوب ماه جمالون
محو اولوب جاه و جلالون ، توز دوتوب ماه جمالون
بورا گلمک دى خیالون، توز دوتوب ماه جمالون
گل قیزیم تلّ اوسته دورما
گه گلوب گاهی اوتورما
..
..
..
..
بلبل شوریده سَرسَن ، گوزیاشون گوزدن الرسن
بچه آهو تک ملرسَن ، گوزیاشون گوزدن الرسن
هریره گئتسم گلرسن ، گوزیاشون گوزدن الرسن
گل قیزیم تلّ اوسته دورما
گه گلوب گاهی اوتورما
..
..
..
..
تلّیدن أَن گل اشاقه من سنى آلّام قوجاقه
صبر ایله دَردِ فراقه مَن سَنى آلّام قوجاقه
افّ اولا اهل عراقه من سنى آلّام قوجاقه
گل قیزیم تلّ اوسته دورما
گه گلوب گاهی اوتورما
..
..
..
..
ای منیم ایستکلی یاریم طاقت وصبر وقراریم
نوگول فصل بهاریم طاقت وصبر وقراریم
صورتی نیلی نگاریم طاقت وصبر وقراریم
گل قیزیم تلّ اوسته دورما
گه گلوب گاهی اوتورما
..
..
..
..
#شام_غریبان_نخستین #ترکی #زبدةالاشعار
نظر دهید