ای وای جوان لیلا، وای نوجوان اوغول وای #اکبریه_صافی_تبریزی

شهادت حضرت علی اکبر (ع)
.
#زبدةالاشعار
.
: @nohe_torki
.
مرحوم صافی تبریزی
.
ای وای جوان لیلا، وای نوجوان اوغول وای
اولموش بیان لیلا ، وای نوجوان اوغول وای
.
.
گلجاق خیامه نعشون ، گیتدیم ایله ئوزومدن
بی اختیار گلدی خوناب دل گوزومدن
ذکریم على علی دور آرتار بو بیر سوزومدن
اشک روان لیلا ، وای نوجوان اوغول وای
.
.
بیر آز زماندی گیتدون سن عرصۀ قتاله
بو آفتاب رویون ، گلدی نه تز زواله
هانسی خطالى بیر ال ، سالدى سنی بو حاله
اولموش بیان لیلا وای نوجوان اوغول وای
.
.
آرتوب ز بس که سن سیز ، فریاد و آه و زاریم
اود اوسته کی کبابه ، بنزر دل فگاریم
گیتدی سنیله صبریم آرام و اختیاریم
قالموب توان لیلا ، وای نوجوان اوغول وای
.
.
دلدن سالوب سنی کیم ، شیرین دیلیوه نولموش
نولموش بو ایکی نرگس ، قان لخته سیله دولموش
فکر اسارتیمدن ، گچدیم ولیکن اولموش
ورد زبان لیلا ، وای نوجوان اوغول وای
.
.
گل یوزلی سن علاقه ، کسدون گل و چمندن
کسمز باجون سکینه ، هرگز علاقه سندن
یانّام ئوزوم اگرچه ، آرتوق یانار او مندن
یتدی خزان لیلا ، وای نوجوان اوغول وای
.
.
گیتدون ئوزون اورکده ، قالدی غم فراقون
قاندان خضاب اولوبدور ، زلفون الون ایاقون
ناکام اوغول وطنده ، بوش قالدى طوی اطاقون
آرتار فغان لیلا ، وای نوجوان اوعول وای
.
.
بیر عمر زحمتیله ، بیر نوجوان یتوردوم
اون سکّیز ایلده سن تک ، سرو روان یتوردوم
جان قویدوم ایللریله ، گویا که جان یتوردوم
چخماز بو جان لیلا ، وای نوجوان اوعول وای
.
.
بیر اود دوتوب بو بی کس ، یکسر یانار وجودی
سوز دَروندی چخماز هرگز کناره دودی
بی روح دور مجسم ، یوخدور مگر وجودی
اوچموش روان لیلا ، وای نوجوان اوغول وای
.
.
.
.
#اکبریه_صافی_تبریزی
#اکبریه_شهادت
#ای_وای_جوان_لیلا_وای_نوجوان_اوغول_وای   
#ترکی
.
#زبدةالاشعار
.
: @nohe_torki