زبدةالاشعار

ای وجودی عالم خلقتده علّت فاطمه #فاطمیه_محبی_مراغه_ای

مدح و جلالت حضرت فاطمه سلام الله علیها
.
✍️ زبدة الاشعار ✍️
.
🆔: @nohe_torki
.
حاج عطوف کتابچی ( مُحبّی مراغه ای)
.
ای وجودی عالم خلقتده علّت فاطمه
ای اولان مسند نشین قرب عزّت فاطمه
.
اولماسیدون سن اگر ای افتخاربانوان
مصطفادن دهریده قالمازدی بیرنام ونشان
حضرت پیغمبره قرآن کیمی اعجازسان
حق ایدوب اعطا سنه بیله جلالت فاطمه
.
.
مثل ومانندون جهانه گلمیوب گلمزسنون
مریم و سارا کیمی واردورکنیزدرگهون
مورد تمجید حقدورعزّت و شخصیّتون
ای چراغ انور باغ رسالت فاطمه
.
.
علّت ایجاد آتاندورما سوانون افضلی
همسرون شیر خدادی ذات یکتایه ولی
اون بیراولادوندی تک تک دین حقّین مشعلی
هر کسه ممکن دگول بیله شرافت فاطمه
.
.
مکتب آچدون مکتب اسلامی ایتدون زنده سن
مکتبونده ایتدیلر تحصیل حسینیله حسن
حفظ ایدوب اوغلون حسن دینی طریق صلحلن
قانیله ویردی حسین بو دینه قیمت فاطمه
.
.
حیف اولا ظلم سقیفه مشکل ایجاد ایلدی
اود وروبدورمکتبه ظلمونده بیداد ایلدی
خانۀ دینی یخوب شیطانی دلشاد ایلدی
مسلمینه باز اولوب باب ضلالت فاطمه
.
.
ثابت ایتدون سن ولی خلقه بو حقّ مطلبی
قویمادون تعطیل اولا ظلمات شبده مکتبی
ایلدون احیا مرام حقّ و دین و مذهبی
اولموسان دین اهلینه نور هدایت فاطمه
.
.
چون سقیفه ظلمونی گوردی منافقلر روا
درگهونده بی حیالرایتدیلرشورش بپا
اود ویروبلار درگه وحیه گروه اشقیا
هتک حرمت ایتدیلر قوم ذلالت فاطمه
.
.
آه او ساعتدن که ثانی ظلمنی ایتدی عیان
بیعتی ایتدی بهانه رهبر اهریمنان
سندی باب اقدسون مجروح اولوب ایتدون فغان
محسنون سقط اولدی گوردون چوخ اذیّت فاطمه
.
.
لعنت اول یاغی لره ظلمون بناسین قویدولار
ایتدیلر طغیان جهانی ظلمیله دولدوردولار
آچدیلار باب ضلالت حقه یاغی اولدولار
مسلمینه باغلانوب راه سعادت فاطمه
.
.
دل یانور بو مِحنته ثانی ویروب سیلی سنه
لعنت و نفرین اولا سیلی ویران اهریمنه
روز محشر دشمنون هرگز یتیشمز ایمنه
کیفرین ظالم گورر روز قیامت فاطمه
.
.
تا قیامت حضرت مهدی اولارشیعه ملول
تک به تک مظلوم اولوب دنیاده اولاد رسول
ای امام منتظر تز گل سنی حقّ بتول
آل قصاصین تا اولا جنّتده راحت فاطمه
.
.
ختم ایله بسدور (مُحبّی) غملری اولماز تمام
آلماسا اوز اوغلی گر ظالم لریندن انتقام
شیعه لر آغلار غمنده صبح و هر شامی مدام
ظلمدن ایلر قیامتده شکایت فاطمه
.
.
.
#سبک_زینبم_جان_اوستیم (4 سبک سینه و زنجیر تک ضرب )
.
.
#فاطمیه_مدح
#فاطمیه_شهادت
#ای_وجودی_عالم_خلقتده_علت_فاطمه
#محبی_مراغه_ای
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...