ای ویرن جمله پادشه لره تاج #حیدریه_دلسوز_تبریزی

مدح حضرت علی (ع)
.
#زبدةالاشعار
.
: @nohe_torki
.
مرحوم دلسوز تبریزی
.
ای ویرن جمله پادشه لره تاج
وی آلان جمله شاه لردن باج
.
بلکه مجموع پادشه لردن
قنبرون آلدی تاج و باج و خراج
.
ایلدی کفری پاک عالمدن
ذوالفقارون، بو دینه ویردی رواج
.
دلدلون زینته بو چرخ بلند
تنگ ایدر کهکشانی چون سراج
.
انبیا بحر علمون ایچره سنون
هر بیری بیرجه قطره دور موّاج
.
حکمون ایله سنون بو چرخ اوزره
دور ایدر جمله اختر و ابراج
.
اولسا گر سندن اذن، صید ایلر
باز، طرلانی، صعوه و وراج
.
سنده ظاهردی صنع قدرت حق
مظهر حق سن مثال زجاج
.
احمدیله احد سنون وصفون
ائتدیلر سر به سر شب معراج
.
پرتو نورون ایلیوب روشن
دهری همچون ایدوب مثال زجاج
.
سر کویونده کعبۀ مقصود
رنج بیجا چکلّه بو حجاج
.
آشکارادی بو سنون مهرون
اولاجاق قبر ائوینده مایحتاج
.
جملۀ ماسوا شفاعتیوه
اولاجاق حشر و نشرده محتاج
.
سنون امدادون اولماسا بالله
ایکی دنیاده درده اولماز علاج
.
بیلمیرم من نه عقلیله منکر
سنله ایلر عالم ایچره لجاج
.
جسمنی مور و مار قبر ایچره
داغودولّار چو پنبۀ حلاج
.
لشگر غیظ و قهرون، اعدانین
کشور عمرینی ایدر تاراج
.
دوستوون قلبی گون کیمی روشن
دشمنون قلبی تیره چون شب داج
.
دوستون شاد و خرّم و خندان
دشمنون تلخ کام و کینه مزاج
.
وای احوالینه او مدّاحون
که قاپوندان سن ایلسن اخراج
.
مال و جانین ویره یولوندا اگر
آز ویروبدور بو عاشق خراج
.
گتمز اصلاً قاپوندان اوزگه یره
قالا «دلسوز» اگر چه یوز ایل آج
.
#حیدریه_مدح
#ای_ویرن_جمله_پادشه_لره_تاج
#ترکی
.
.
#زبدةالاشعار
.
: @nohe_torki