ای کربلا ای آغلادان کون و مکانی #کربلا_سیدحسن_معصومی

خطاب به کربلا
..
..
..
سبک ها #سبک_ای_درد_بی_درمانلارا …
و با اضافه کردن واگیر :
#سبک_یا_فاطمه_من_عقده_دل_وا_نکردم
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
..
..
..
سید حسن معصومی
..
..
..
..
ای کربلا ای آغلادان کون و مکانی
سن آلموسان آغوشووه شاه جهانی
علت اودور یتدون بئله عالی مقامه
شأنون خجالت ایلیوب بیت خدانی
..
..
..
..
سنده یاتوبدور خالق یکتا عزیزی
شاه دو عالم حضرت طاها عزیزی
احیای دین صدیقه ی زهرا عزیزی
قانیله زنده ایلیوب نام خدانی
..
..
..
..
حیران قویوبدور عالمی جاه و جلالون
عز و شرافتده سنون یوخدور مثالون
چرخ شهادت سن وارون بدر و هالون
روشن قیلوبلار سن کیمی بیر آسمانی
..
..
..
..
یرلر آرا سن یتمیسن عالی مقامه
بیر شاهیدور علت همان شأن عظامه
سن میزبانسان اول شهید تشنه کامه
سن ساخلیوبسان بیله عالی میهمانی
..
..
..
..
ای کربلا سنده یاتان نور خدادور
الله یولیندا تشنه لب دینه فدادور
پابوسینه حسرت اونون شاه و گدادور
حیران قویوب شأنی تمام انبیانی
..
..
..
..
اوز دلدہ کی مقصودینه سنده چاتوبدور
راه وفاده تشنه لب قانه باتوبدور
اوز یار و انصاریلن او سنده یاتوبدور
وار سنده یتمیش بیر نفر پیر و جوانی
..
..
..
..
واردور او شاهون سنده ششگوشه مزاری
اولمیش شفا هر دردلره گرد و غباری
نهر فرات اوسته یاتوب بیر نامداری
دللر چوخ ایستور مرقد صاحب لوانی
..
..
..
..
ششگوشه قبره شیعه لر حسرت قالوبدور
شوق زیارت اختیار الدن آلوبدور
محزون دله هجران اودی آتش سالوبدور
الله اوزی آچسون او راه کربلانی
..
..
..
..
سنده سوسوزدان اود دوتوب اطفال یاندی
سنده سوسوزلار ناله سی عرشه دایاندی
سنده علی اکبر سوسوز قانه بویاندی
عرشه اوجالدی لیلینون آه و فغانی
..
..
..
..
سنده وئروبدور ال اله یتمیش وفادار
شاه حجازه جان بکف اولدی هوادار
شش ماهه سربازون ولی چوخ شهرتی وار
قانی مزیّن ایلیوب عرش خدانی
..
..
..
..
ای کربلا سنده یاتوب شبه پیمبر
پائین قبر شاهیده شهزاده اکبر
شه سینده سینده خواب ائدوب مه پاره اصغر
پیکان یاراسیندن آخور حلقینده قانی
..
..
..
..
سنده حسینون غارت اولدی خیمه گاهی
سنده حسینون گئتدی الدن عزّ و جاهی
سنده آچوبدور ظلمه ال شامون سپاهی
سنده سویوبدور اهل کین آل عبانی
..
..
..
..
سنده او شاهون صبحی دوندی تیره شامه
سنده یتوب اول سرورون امری تمامه
سنده نه ظلم اولدی او گون بیمار امامه
ناقه سوار ایلوبدولر اول پیشوانی
..
..
..
..
سنده جسارت تاپدی اول بی دین جماعت
سنده بلالی زینبه اولدی قیامت
سنده اولوبدور دستگیر آل رسالت
سندن چکوبلر شامه آل مصطفانی
..
..
..
..
ای کربلا آدون ائدوب معصومی ازبر
باعث اودور سنده یاتوب اول شاه محشر
پابوس شاهه ایمدی چوخ حسرتدی نوکر
حق قویماسون حسرت قالا بو بینوانی
..
..
..
..
#کربلا #سیدحسن_معصومی #آرزوی_کربلا #ترکی #زبدةالاشعار