سلام بر حضرت زهرای سه ساله رقیه (س)
..
..
..
..
مرحوم خوندل تبریزی
..
..
..
..
ای گل گلزار پیغمبر سلام اولسون سنه
ای سپهر عصمته اختر سلام اولسون سنه
..
ای رقیه ای دوشن آی تک محاقه شامده
آسمان حُسنه مه منظر سلام اولسون سنه
..
ای قوری توپراقلار اوسته حسرتیله جان ویرن
انتظار مقدم اکبر سلام اولسون سنه
..
ای غزال ناز بطحا آهوی زیبا خرام
قبر پاکی شامه بیر زیور سلام اولسون سنه
..
کاروان کربلانین یادگاری شامده
رهسپاران غمه رهبر سلام اولسون سنه
..
ای بلالر خسته سی یورقون یاتان بو قبرده
خاریله مجروح گل پیکر سلام اولسون سنه
..
ای مزاری بو خرابه شامی آباد ایلین
وی حسینه نازنین دختر سلام اولسون سنه
..
ای درخشان یادگاری اهل بیت عصمتین
شاهزاده اکبره خواهر سلام اولسون سنه
..
جان ویرونجه آغلیان زهرایه بنزر گوزلری
ای بتوله جسمدن مظهر سلام اولسون سنه
..
ای حسینون نوشکفته غنچه سی گلزارینون
خار ظلمیله اولان پرپر سلام اولسون سنه
..
دشمنون سو ویرمدی یاندی عطشدن لبلرون
نور چشم ساقی کوثر سلام اولسون سنه
..
سن اوزون گول سن ولی قلبونده جور خاردن
واردی داغ لالۀ احمر سلام اولسون سنه
..
ای یارالی جسمی نیلی پیکری مجروح پا
گل جمالی رشک نیلوفر سلام اولسون سنه
..
سن آتا باشین گورنده آغلادون ویرانه نی
ایلدون آل اللهه محشر سلام اولسون سنه
..
باغریوا باسدون جمالینده گورنده کول ولی
قلبیوی یاندیردی خاکستر سلام اولسون سنه
..
نقد جانی مقدم جانانیوه ایتدون نثار
هاردا بو ارزشده وار گوهر سلام اولسون سنه
..
گوشوار عرشی فرش ایتشمدی خاکستر نشین
گل یوزه اولموشدی کول بستر سلام اولسون سنه
..
دفن ایدنده زینب کبری سنی ایتدی کفن
پیرهن یا قاره بیر معجر سلام اولسون سنه
..
گلمیشوخ بیز چوخ اوزاق یولدان سنون پابوسیوه
چکمشوق بو حسرتی ایللر سلام اولسون سنه
..
قبریوون قربانی مأیوس ایتمه لطفوندن بیزی
ای عزیز خالق داور سلام اولسون سنه
..
بیر سفارشده سنون وار بیر اسیروندن خانم
خاکساروندور دگل نوکر سلام اولسون سنه
..
قبریوون قربانی قبروندن اوتور گوگلوم اسیر
تا گوراق توفیق حق نیلر سلام اولسون سنه
..
قلبیوون یازسام شراریندن، نه استبعادی وار
یانسا گر بو خامه و دفتر سلام اولسون سنه
..
ای فراقینده علیّ اکبرین شهلا گوزی
اشک نابیله اولان ساغر سلام اولسون سنه
..
گوردوقون رؤیا اولوب علت گلوب ویرانیه
قانلی باشیله مه انور سلام اولسون سنه
..
گرچه کشتی غرق اولوب طوفانیله اما سنون
اولدی قبرون شامه بیر لنگر سلام اولسون سنه
..
خوندله لطفیله بیر باخ گوزلرون قربانی من
ای زنان عالمه مفخر سلام اولسون سنه
..
#حضرت_رقیه #خوندل_تبریزی #حضرت_رقیه_مدح #حضرت_رقیه_شهادت #ترکی #زبدةالاشعار
نظر دهید