ای گورنلر یثربی حال و هواسیندان دیون

در برگشت از حج
#گریز به #وداع
.
زبدة الاشعار

?: @nohe_torki
.
احمد زاده
.
ای گورنلر یثربی حال و هواسیندان دیون
دللری آرام ائدن باد صباسیندان دیون
.
مسجد پیغمبری اوپدوز گلون میزانیله
قلبوزی صاف ایلیون الله رضاسیندان دیون
.
اعتقادیلن در آللّهه ایمان باغلیون
ملّته بو دهریده عدلین بناسیندان دیون
.
تتریور دللر اسور زهرا گلوبدور مجلسه
ای گورنلر درگهین غم ماجراسیندان دیون
.
روزگارین تار ائدوبدور حقی ناحق ایلین
مدفنی گیزلین اولان دنیا بهاسیندان دیون
.
قانلی دیواره باخوب آثار محنت گورموسوز
سقط اولان ظلمیله اول محسن بالاسیندان دیون
.
یاد ائدون دورت بلبل دلخون آفت خسته سین
لبلری قانه بویانمش مجتباسیندان دیون
.
دقتیله گر باخوبسوز اودلانان درگاهینه
اوخشیون عاشقلره پهلو یاراسیندان دیون
.
قلبینی مسمار اوپوب قدین کمان ائتدی اونون
راه عصمتده اولان جانان فداسیندان دیون
.
جان دئدی قربان ائدم راه ولایتده گرک
وحدته قربان اولان عشقین ولاسیندان دیون
.
قول سینوبدور قویمادی تک مرتضانی فاطمه
دشمن دینون گلون قوم دغاسیندان دیون
.
گوردیلر یوخ بیر کسی زهرانی گویا ویردیلار
دورت گُلین گلزاریده آه و نواسیندان دیون
.
.
وار یری بوردا قویام بو مطلب عظمانی من
مجلسه دعوت ائدم مین دردیله طاهانی من
.
.
عاشقه بیردم گرک دهرین فناسیندان دیوم
گردش چرخین توکن مین لر بلاسیندان دیوم
.
فاطمه گیزلین مزاره گئتدی قلبینده یارا
ایستورم اول یاره نون حال و هواسیندان دیوم
.
زخم مسماره ائدم پیوند بیر آیری یارا
اوغلینون عاشقلره کرب و بلاسیندان دیوم
.
قلب زهرانی بولوبدور درد محسن عمریده
قوی حسینون محسنه اصغر بالاسیندان دیوم
.
قیزلارین گلدی وداع ائتسون او شاه خونجگر
اوچ یاشیندا بیر قیزین ایوای باباسیندان دیوم
.
تک دئدی میدانه گئتمه قوی گلوم منده بابا
قلبیم ایستور محضره دشمن جفاسیندان دیوم
.
عمه مه تاپشور بیزی بو قورخولی چولده بابا
وار یری درد و بلانون ابتداسیندان دیوم
.
اولماسون لشکر دُوَر سنسیز بو عطشان قیزلاری
گئتمه بو دشتین سنه من ابتلاسیندان دیوم
.
نه علی اکبر قالور نه قاسم و جعفر قالور
سینه ده من دردیمون آخر هاراسیندان دیوم
.
نه عموم عباسیدن وار بیر خبر بو دشتده
محضرینده قلبیمون سوز و یاراسیندان دیوم
.
گل چک الون باشیمه آخر بابا بو خیمه ده
قلبیمون عرشه گئدن بیرجه نواسیندان دیوم
.
قوی دولانیم باشوه تا دوش یولا بو ساعتی
من دوشوم بو چوللره نامرد خطاسیندان دیوم
.
.

#زائر_کعبه #کعبه
#در_حرم_جلوه_دلدار_نمایان_دیدم
#احمدزاده_غریب
#ترکی
.
#زبدةالاشعار

?: @nohe_torki