ای یارالی بدن قوملار اوسته دوشن #اکبریه_یحیوی_اردبیلی

زبانحال حضرت لیلا در کوچ از کربلا
.
.
#سبک_خیمه_نی_سیلمیشم
مشابه
پخش‌کننده صوت

.
.
مرحوم یحیوی اردبیلی
.
.
.
ای یارالی بدن
قوملار اوسته دوشن
مهربان اکبریم وای
نوجوان اکبریم وای
.
گول جمالی سولان
گوزلرینه دولان
لخته قان اکبریم وای
نوجوان اکبریم وای
.
ای گوزوم نوری اکبر
ای شبیه پیمبر
ای منِ بینوایه
ملک غربتده یاور
.
.
.
.
چون چراغیم گچوب
قاره اولموش گونوم
گوزلریم نوره گلمز
یانسا سایسیز چراغلار
.
رحم سیز دشمنون
خنجریله سنون
دوغریوب جسم پاکون
قلبیمه چکدی داغلار
.
یاندیروب قلبیمی
حشر اولونجاق علی
من بلاکش غریبی
قاتلون قویدی آغلار
.
اوخشارام آغلارام
سویلرم ای وئرن
تشنه جان اکبریم وای
نوجوان اکبریم وای
.
.
.
.
چکدیم اون سگیز ایل
زحمتون بسلدیم
عزت و شوکتیله
ائللر ایچره گوروندوم
.
فخر ائدوردوم سنه
باخدوقیجاق اوغول
باغلانوب کاکلوندن
آردوویجاق سوروندوم
.
طوی لباسون کفن
اولدی یاسونده من
قرمزی شال یرینه
قاره معجر بوروندوم
.
تا نفس وار گرک
ماتمونده دیم
هر زمان اکبریم وای
نوجوان اکبریم وای
.
.
.
.
من سرین سو داخی
تا وارام ایچمرم
سوکنارینده ئولدون
تشنه ای شاهزاده
.
صرصر ظلمیله
باغون اولدی خزان
قیلمادون سن بهار
عمردن استفاده
.
ای جگر گوشه سی
قلبیمون میوه سی
حسرتیم قالدی دلده
یتمدون سن مراده
.
خلعتون گیمدون
طوی گونی اولمادون
شادمان اکبریم وای
نوجوان اکبریم وای
.
.
.
.
روبروده دوشوب
قان ایچینده بالام
اود دوتوب یاندیم الله
اود دوتوب یاندیم الله
.
توز باسوب کاکلون
قان دوتوب گوزلرون
یاندیم اودلاندیم الله
یاندیم اودلاندیم الله
.
فرصتیم یوخ نئدوم
نعشینی دفن ائدوم
اکبریم قالدی چولده
شامه یولاندیم الله
.
دور آنان سال یولا
کوچ ایدور کوفیه
کاروان اکبریم وای
نوجوان اکبریم وای
.
.
.
.
اهل کوفه مگر
ائتمه دیلر حیا
کاکل عنبروندن
صورت انوروندن
.
قامت سرویدن
جلوۀ حُسندن
یا قرا قاشلاروندان
یا قرا گوزلروندن
.
قطعه قطعه سنی
دوغریوبلار علی
بیر نما قالمیش آخر
نازنین پیکروندن
.
قالمیوب صاف یرون
قوی ئوپوم یاره وی
دوغرانان اکبریم وای
نوجوان اکبریم وای
.
.
.
.
خانمانیم خراب
اولدی بو عرصه ده
من گوروم خانمانِ
شمری ویرانه اولسون
.
نه روادور گیدوم
غم قطاریله من
پاره پاره جنازون
گون قباقینده قالسون
.
ایستی گونلر دوشوب
نعشیوون اوستونه
معجره یوخ گمانیم
اوستووه سایه سالسون
.
قوی آچوم زلفیمی
تا ایدوم نعشیوه
سایبان اکبریم وای
نوجوان اکبریم وای
.
.
.
.
#اکبریه_شهادت
#کوچ_کربلا
#ای_یارالی_بدن
#یحیوی_اردبیلی
#ترکی
#زبدةالاشعار