ای یوزی گولمین ننه #فاطمیه_شاجری_زنجانی

شهادت حضرت زهرا سلام الله علیها
#اوخشامالار
.
#زبدةالاشعار
.
: @nohe_torki
.
حاج رحمان #شاجری_زنجانی
.
ای یوزی گولمین ننه
غم رختینی گین ننه
سینه ده کی یاراسینون
قانی کسیلمین ننه
.
ایوای ننه ایوای ننه(۲)
.
.
ای سارالوب سولان ننه
بولوت کیمی دولان ننه
قولوندا ترپدنموسن؟
وای نه گلوب قولان ننه
.
.
اورگی سیخیلان ننه
قاپودا یخیلان ننه
نماز نافله سینی
اودوق یرده قیلان ننه
.
.
ای عالمی یاخان ننه
اشگی یوزه آخان ننه
جان اوسته دوردبالاسینا
حسرتیله باخان ننه
.
.
ای حقّی غصب اولان ننه
قلبی غمله دولان ننه
ثانی سیلی وران گوندن
رنگی گل تک سولان ننه
.
.
خزان ساراتدی گلشنی
فلک یتیم ائدوب منی
داییم اولسیدی کوچه ده
ثانی ورانمزدی سنی
.
.
ای گوزیاشین توکن ننه
غم قدینی بوکن ننه
بالالاریندان دویمامیش
دنیادن ال چکن ننه
.
.
ای صبریمی آلان ننه
باشه قرا سالان ننه
قدری کیمی مدینه ده
قبری گیزلین قالان ننه
.
.
ایوای جوان ئولن ننه
غم قلبینی بولن ننه
گجیلن غسل وکفن اولوب
قبره گیزلین گئدن ننه
.
.
ای قبری بی نشان ننه
قلبیم اولوبدی قان ننه
سنسیز گجه گونوز ایشیم
اولوب آه وفغان ننه
.
.
#فاطمیه_شهادت
#اوخشاما
#ای_یوزی_گولمین_ننه
#ترکی
.
#زبدةالاشعار
.
: @nohe_torki