ای یگانه مصلح دنیا و دین یابن الحسن #مهدیه_خوندل_تبریزی

یا مهدی
.
✍️ زبدة الاشعار ✍️
.
🆔: @nohe_torki
.
مرحوم حاج حیدر خوندل
.
ای یگانه مصلح دنیا و دین یابن الحسن
گل یولون گوزلور هامی اهل یقین یابن الحسن
.
.
ای هدایت چرخینون بیر نیّر تابانی گل
ای سریرِعزّت و آزادگی سلطانی گل
گل گلن یولاروون تپراقنون قربانی گل
ای امیدِ عترتِ حبل المتین ،‌ یابن الحسن
.
.
ای حریم مصطفایه یوسف گل پیرهن
دولدوروب دنیانی یابن العسکری جور و فتن
دم وورار چوخلار جهاندا ، صلحدن ، اصلاحدن
گل ییغشدیرسون بساطین آن و این یابن الحسن
.
.
بیر مریض عشقه بنزر بو جهان جان اوسته دی
عالم اسلام یکسر ، کفر الیله ، خسته دی
روزی هر ذی حیات ، آخر سنه وابسته دی
ای الینده آفرینش ، بیر نگین ، یابن الحسن
.
.
انحرافه چکسه اسلامی ، اگر اهل ضلال
یوز وئرر قلب رسول اکرمه درد و ملال
اولما راضی جدّوون احکامی اولسون پایمال
ای سریر عزّته مسندنشین ، یابن الحسین
.
.
سن او سلطان عَظیمُ الشَّأن سن ای شهریار
که ظهوروندان چکر بیر اهل عالم ، انتظار
دور ایدر فوج مَلَک ، درگاهیوی ، پروانه وار
خاک بوس مقدمون روح الامین ، یابن الحسین
.
.
دوزدی عُشّاقین فراقوندا قالوب آغلار گوزی
دل اگر مسئول ئوزین بولسه دانیشماز هر سوزی
سرّ تأخیرون ندور عالِم دی بیر الله ئوزی
نه بولر اخیار ، نه اهل یقین ، یابن الحسن
.
.
نا مسلمانلار وورار، اسلامه هر دم نیشخند
سنگدل لر نه تذکّر بیر قبول ایلر، نه پند
پردۀ غیبت او گول رخساره حایل تا به چند
تا به کی مه یوزده قالسون ، آستین ، یابن الحسن
.
.
ای وجود نازنینی عالم خلقتده تک
بیر دولانسون باشیوه ، دُور ایلوری ، دور فلک
کسب فیضه عرش اعلادن ، نزول ایلر ، ملک
پای بوسون حسرتی ، عرش برین ، یابن الحسن
.
.
عالمین اصلاحینه ، گوزلر هامی ، عالم سنی
آشنالرده بولر ، ئوز دردینه ، محرم سنی
شیعه لر ، شاها تانور ، مطلق ولیِّ دم ، سنی
گَل قصاص آل کس هامی ظالم الین یابن الحسن
.
.
سیّدی گر یاده سالسام کربلا طوفانینی
دولدورار حتماً ، سرشکیله ، آنان دامانینی
گل اَلون قربانی آل جدّون حسینون قانینی
عدلیله دولسون هامی روی زمین ، یابن الحسن
.
.
سیّدی حیراندی عالم جدّیون تمکینینه
اولمادی بیر کس ائده اقدام اونون تکفینینه
کوفه دن ، اوچ گون صورا ، تکفینینه ، تدفیننه
گلدی اعجازیله ، فخرالسّاجدین ، یابن الحسن
.
.
گوزلرون قربانی ، طول اولدی ، زمان انتظار
تا به کی ، احبابون اولسون هجر الینده بی قرار
صدر زهرانین شفاسین ، ای ولی کردگار
ذوالفقارونده قویوب ، خلق آفرین ، یابن الحسن
.
.
سیّدی سنسیز بودنیانین یوزی گولسون محال
بو امیدیله یولون گوزلر ، سنون ، اهل کمال
انتقام حضرت زهرانی گَل ، دشمندن آل
ظلمونون گورسون جزاسین اهل کین ، یابن الحسن
.
.
سیّدی نچّه جهتدن من مریضم ، یوخ سوزوم
بو بلالرده ، صفالر وار ، بونی ، بولّم ئوزوم
چون ولیّ نعمتیم سنسن ، الونده وار گوزوم
خدمتین #خوندل بولر ناقص همین، یابن الحسن
.
.
#مهدیه
#ای_یگانه_مصلح_دنیا_و_دین_یابن_الحسن
#خوندل_تبریزی
#ترکی
.
✍️ #زبدةالاشعار ✍️
.
🆔: @nohe_torki