در راه شام
زبانحال حضرت رقیه سلام الله علیها
.
#زبدةالاشعار
.
: @nohe_torki
.
مرحوم غمناک تبریزی
.
بابا او قانلی باشون گور اورکدن آه آپارور
ایدوبدی گوگلومی قان حسرت نگاه آپارور
.
نه قدر یالوارورام نیزه داره ساخلا ایاق
سوزومه باخموری گور خواه و نخواه آپارور
.
زبس اوآی یوزیوه باخموشام گوزوم قارالوب
ایدوبدی عالمی برهم دیلّه ماه آپارور
.
منی محبّتون آهن ربا کیمی چکوری
سالوب یانینجا اودور مثل پرّ کاه آپارور
.
منیم کیمی بیر قیز سنون کیمی بابا اولماز
اوزی تعجّب ایدر چرخ انتباه آپارور
.
آدیم رقیّه باشیمدا قرا قولومدا طناب
اسیر ایدوب منی بو شمر روسیاه آپارور
.
او حسرتی که منیم واردی خسته گویلومده
نه قدرعمریم اولا ایلیوب تباه آپارور
.
ایدوبله خوار عزیزان مصطفانی عدو
سالوبلا آت دوشونه چون گل وگیاه آپارور
.
جفاسین ایتمگه اثبات شمر بد اختر
یزد مجلسینه بیزلری گواه آپارور
.
یزید مجلسینون دردی جانیمه سالوب اود
ایتورموشم اوزومی فکره گاه و گاه آپارور
.
فغان و ناله دن ال چکمه دائما «غمناک»
بو شور گوز یاشون آخدوقجا چون گناه آپارور
.
.
.
#راه_شام_غمناک_تبریزی
#بابا_او_قانلی_باشون_گور_اورکدن_آه_آپارور
#ترکی
.
#زبدةالاشعار
.
: @nohe_torki
نظر دهید