راه شام
زبان حال دختر مظلومه امام (ع) خطاب به سر پدر بزرگوار
.
#زبدةالاشعار
.
: @nohe_torki
.
مرحوم تائب تبریزی
.
.
بابا نوک جداده دیدۂ حق بینی باز ایله
گوزومده اشگه باخ قلبیمده سیر سوز و ساز ایله
.
نجه گور پوزقونام ای رونق اسلام اولان سلطان
بو پوزقون حالی مندن برطرف ای دلنواز ایله
.
دله گل ای سرافرازان اسلامین سرافرازی
شکسته دل یتیمون بیر دانشدور سر فراز ایله
.
عدو بیله سانور من بی کسم بیر داد خواهیم یوخ
اؤزون داده یتیش بو عقده نی دلدن فراز ایله
.
مخالفلر سالوب گورنه حصاره پردۂ غمده
حسینی شوریله آزاد ای شاه حجاز ایله
.
عراقیلر الینده پرده پرده قان اولوب گگلوم
منی دیندیر داخی آز ای حجازی شاه ناز ایله
.
اسیرم دستگیرم لاعلاجم چوخلی دردیم وار
منیم دل دردیمه چاره اؤزون ای چاره ساز ایله
.
بابا ویران اولوب حسرتله قلبیم بیر نگاهیله
بو ویران گوگلیمی آباد اؤزون ای باز ساز ایله
.
محّبت گورموشم سندن همیشه ایتموشم عادت
گچن گونلر کیمی بیرده محبت بابی باز ایله
.
محبت قیل محبت گورماقا چوخ چوخ نیازیم وار
بو محتاجون نگاه رأفتیله بی نیاز ایله
.
اوزاق گتمه گوزومدن سؤگلون سالما بیله گوزدن
یاخوندور من ئولم هجرونده ترک احتراز ایله
.
اسیر عشقوم گلّم هارا چکسه باشون عشقی
یورولمام هر قدر سؤوسَن یولی طول و دراز ایله
.
مگر عاشق اولان خسته اولار عشقین مسیرینده
منی منظور عشقونده حقیقی عشقباز ایله
.
سلیل احمد محمود سن محمود خصلت سن
وفالی تائبه باخ بیر نگاهیله ایاز ایله
.
.
.
#راه_شام_تائب_تبریزی
#بابا_نوک_جداده_دیدۂ_حق_بینی_باز_ایله
#ترکی
.
#زبدةالاشعار
.
: @nohe_torki
نظر دهید