باجی گل ئولدوروب اعدا گوزل اوغلانلاروی #طفلان_زینب_حضرتی_ناعمی

زبانحال امام حسین(ع) در شهادت طفلان زینب (ع)
..
..
..
..
حضرتی (ناعمی)
..
..
..
..
باجی گل ئولدوروب اعدا گوزل اوغلانلاروی
دوغریوب عرصه ده دشمن قوزی قربانلاروی
..
..
..
..
ای اولان دهریده عاشقلره سرور زینب
مرتضی نون قیزی ای وارث حیدر زینب
حی یکتا یارادان فاطمه مظهر زینب
سربلند ایلدون عالم بویی جانانلاروی
..
..
..
..
غم لر آماجیدی قلبیم باجی یاندیرما منی
ال ال اوسته بئله شرمنده دایاندیرما منی
چیخ قباقه سن حسین جانی اوتاندیرما منی
پیشواز ائت قانا غرق اولدوقی جیرانلاروی
..
..
..
..
هامیدان چوخ سنون احوالوه گریاندی حسین
چون اوغول داغی گؤروب زار و پریشاندی حسین
نئجه آخر دوزوسن صبروه قرباندی حسین
پرپر ایلوب باجی صرصر گول ریحانلاروی
..
..
..
..
ای وفا معدنی ایثاروه قربان زینب
جمله رفتاروه گفتاروه قربان زینب
ایکی سولموش گول گلزاروه قربان زینب
گل گتیردیم بو ایکی فدیۀ قرآنلاروی
..
..
..
..
گل باجی قانه باتان عشقیلی قربانلاری گور
شیرزن بسله دیگون شیردل اوغلانلاری گور
تن لرین پارچالیان اوخلاری پیکانلاری گور
گور نئجه گوزگوز ائدوب غمزلی طرلانلاروی
..
..
..
..
گل باجی باشلارینون اوسته اورک داغلا اؤزون
سوزیلن اوخشاما دئ گوللریوه آغلا اؤزون
قان دولان گوزلرینی حسرتیلن باغلا اؤزون
گوندر حق محضرینه زلفی پریشانلاروی
..
..
..
..
تلّیدن گؤردوم اوزوم عشقیله ایثارلرین
دشمنی مات قویان تیغ شرربارلرین
حیف اولا آلدى عطش طاقت پیکارلرین
اشقیا دوره لدی ،خسته لب عطشانلاروی
..
..
..
..
شرحه گلمز اولاری سالدی ارازل نه حالا
داش ئورکلر تاپا ال عرصه ده بیر جوت مارالا
چوخ چتیندور اولارین صاف یئری اعضاده قالا
دوغرادی اهل جفا نوگول خندانلاروی
..
..
..
..
#طفلان_زینب #حضرتی_ناعمی #ترکی #زبدةالاشعار