باخ گوشۀ چشمیله لیلایه علی اکبر #اکبریه_راقم_اردبیلی

زبانحال حضرت لیلا با سر مبارک حضرت علی اکبر (ع)
..
..
مرحوم راقم اردبیلی
..
..
باخ گوشۀ چشمیله لیلایه علی اکبر
عشقون نئجه گور سالمیش صحرایه علی اکبر
..
..
لیلایم علی اما عشقونده چو مجنونم
مفتون دل افکارِ اوُل قامت موزونم
باشون گئده هریانه چون عاشق مفتونم
منده سنیله گلّم چون سایه علی اکبر
..
..
اوّلدن اسیرم من اوُل قامت دلجویه
زلفون که باتوب قانه زنجیردی بازویه
گئتسون گله جاق لیلا اول تاریله هر سویه
حاجت ندی زنجیر اعدایه علی اکبر
..
..
بو حالت افکاریم شاهددی بو گفتاره
پروانه على ایستر یاندیرسون اوزون ناره
دشمنده نه قدرت وار چکسون بیزی بازاره
عشقوندی منی سالمیش سودایه علی اکبر
..
..
چون مهر درخشنده باشون که منوّر دور
لیلای قرا بخته سانکی بئله رهبر دور
اول عارض مه گوزده هرآنی مصوّر دور
سر نیزه ده هردم باخ لیلایه علی اکبر
..
..
بیر بلبل محزونم سولمیش على گلزاریم
هجرونده توکر قانیاش بو دیده ی خونباریم
دشمن یتیرر ناگه دلدن دله اسراریم
بو خانۀ دل گئتدی یغمایه علی اکبر
..
..
مه یوزده عجب زلفون قانیله منظّمدور
سرخیله على گویا قراندی مترجمدور
با نقطه سی تک خالون بیر نکتۀ مبهمدور
گلمز دئسه هر حدّ و احصایه علی اکبر
..
..
اول خالووه چون دانه گوگلوم قوشی مایلدور
باخدوقجه او مه رویه لیلا غمی زایلدور
اما نه ائدیم زلفون رخساریوه حایلدور
تدبیر ائله بو مرغ شیدایه علی اکبر
..
..
اول دم که سنی تشنه ئولدوردوله بو كفار
گلشنده علی گول لر اولدی گوزومه چون خار
ائتمز داخی بو گوگلوم میل هوس گلزار
لعنت گله بو دار دنیایه علی اکبر
..
..
هر صبح و مسا آغلار بو دیده ی خونباریم
سوزان ائدر امکانی بو آه شررباریم
عشقونده على اعدا گر باغلادی قوللاریم
آساندی دوزم ظلم اعدایه علی اکبر
..
..
گلزار محبتده بیر بلبل بی بالم
آواره ی شیدای اول روی و خط و خالم
امكانه مؤثر دور هم دیده و هم نالم
مشتاقم اوَل چشم شهلایه علی اکبر
..
..
فریاد فراقوندن قیلّام نقدر وار جان
هجرونده یانار قلبیم گوزدن اولی جاری قان
گلزار محبتده چون بلبل ائدور افغان
«راقم» گلو فریاد و غوغایه علی اکبر
..
..
#اکبریه #راقم_اردبیلی #اکبریه_شهادت #ترکی #زبدةالاشعار #کوج_کربلا #راه_شام #کوفه #کوج_کربلا_راقم_اردبیلی #راه_شام_راقم_اردبیلی #راه_شام_راقم_اردبیلی