زبانحال حضرت معصومه (س)
.
زبدة الاشعار
.
: @nohe_torki
.
محمد رضا صادقی
.
باد صبا گئت وئر خبر موسی الرضایه
جان اوسته معصومه سنی سسلور هرایه
.
.
بیر قوش کیمی جانیم گلوب تنگه قفسده
احوالیمه گُللرده آغلور ، خار و خس ده
یولدا قالوب آغلار گوزوم بو سون نفسده
گل گور نئجه باشیم دوشوب قارداش بلایه
.
.
مدتدی هجروندن اولوب قلبیم شکسته
گوزلور یولون جان اوسته بو محزون و خسته
گَل بیرده قارداش سایه وی سال باشیم اوسته
واردور گوزوم سنده اولان لطف و عطایه
.
.
اولما رضا بو شهریده یالقیز قالام من
هجرونده اود بو خرمن جانه سالام من
گَل عطریوی بیرده دم آخر آلام من
چونکه قالار دیداریمیز روز جزایه
.
.
ای ایلیین معصومه نی هجرینده گریان
بو رسمیدور ای جانیوه معصومه قربان
قارداش یولون گوزلر باجی جان ویرسه هرآن
تا بلکه سالسون باشینه اول دمده سایه
.
.
بو بینوانون قیدینه قارداش اوزون قال
بو سون نفسده بیرده گل قول بوینوما سال
کیمسه گَلَن یوخ دادیمه ، گل گویلومی آل
رحم ایله بو دلده اولان آه و نوایه
.
.
عمروم بهاری آز قالور سولسون رضاجان
گل قویما قلبیم قانیله دولسون رضا جان
سن گل ، منه هرنه اولور اولسون رضاجان
بیر دم وصالون وئرمرم عدنِ خدایه
.
.
واردور یری بو غمده قلبیم پارچالانسون
قویما جمالون حسرتی قلبیمده قالسون
سن گل گوروم ، تاپیک حق بو جانی آلسون
بلکه اولا پایان بو غملی ماجرایه
.
.
قالمور داخی تاب و توان بو جسم وتنده
ای تک قویان معصومه نی غربت وطنده
“شیدا ” یازوب بو نوحه نی لطف ایله سنده
قبرینده باش چک اول گدای بینوایه
.
.
#سبک_ای_درد_بی_درمانلارا … 10 سبک
.
.
#حضرت_معصومه_شهادت
#باد_صبا_گئت_وئر_خبر_موسی_الرضایه
#محمدرضاصادقی
#ترکی
.
#زبدةالاشعار
.
: @nohe_torki
نظر دهید