اعلام عزای حسینی
..
..
..
#سبک_ای_ویرن_ویرانه_یرده
..
..
بیضایی بناب
..
..
..
..
..
باشلانور ایام ماتم شیعه گل بزم عزایه
موکب پاک حسینی آز قالور کرببلایه
باشلیون فریاد و شینی
سسلیون مظلوم حسینی
..
..
..
..
..
اگنووه گی قاره کوینک باغلا احرام عزانی
تشنه لب سلطانه آغلا بزمه سال شور و نوانی
سو ایچن وقته بو آیدا یاده سال تشنه فدانی
ویر خبر فریادیویلن عاشقان دلربایه
..
..
..
..
..
قاره چک بو آیدا شیعه کوچه و بازاره سنده
هر یره وور قاره پرچم آغلا بو درد و محنده
سال حسینیم وای نواسین شوریلن دشت و دمنده
دردمندان جهانی سسلیون گلسین دوایه
..
..
..
..
..
دللره دوشدی دوباره کربلانین داستانی
سولدی بو آیدا حسینون ظلم الیلن گلستانی
تشنه لب مقتلده دوشدی حضرت طاها نشانی
ویر خبر شوریله سنده عاشقان باوفایه
..
..
..
..
..
عهدینی زهرا بالاسی ویردی پایانه بو آیدا
هر نئین تقدیم ایدوبدور حی سبحانه بو آیدا
پیکری سایسیز یارادن باتدى القانه بو آیدا
باشه وور قان آغلا شیعه سنده گل شور و نوایه
..
..
..
..
..
آشکار ایتدی بو آیدا ظلمینی قوم ستمگر
دوغرانوب میدان ایچینده نینواده نعش اکبر
سو یرینه قان ایچوبدی غنچۀ شش ماهه اصغر
اوج ایدوب درد و مصیبت بارگاه کبریایه
..
..
..
..
..
یول سالوب آب فراته روز عاشورا ابالفضل
اؤجونى دولدوردی ایچسون تشنه لب سقا اباالفضل
یادینه دوشدی حسینی ایچمدی آقا اباالفضل
جان اولا قربان او قولسوز قهرمان نینوایه
..
..
..
..
..
سنده «بیضائی» بو آیدا قاره گی ماتمده آغلا
اشگووی گوزدن عذاره سیل تک بالمرّه باغلا
سینووی بزم عزاده یا حسین دئ سنده داغلا
جان ویرن وقته گللَّر باشوون اوسته هرایه
..
..
..
..
..
باشلانور ایام ماتم شیعه گل بزم عزایه #ورود_محرم_بیضایی
نظر دهید