باشون دالنجا قارداش هر بیر دیاره گلدیم #اربعین_صافی_تبریزی

اربعین
زبانحال حضرت زینب(س)
..
..
..
..
..
مرحوم صافی تبریزی
..
..
..
..
..
باشون دالنجا قارداش هر بیر دیاره گلدیم
آخرده اربعینه من بو مزاره گلدیم
دیدار یاره گلدیم
..
..
..
..
..
قارداش سنون یولوندا هر بیر بلایه دوزدوم
هر محنته دایاندیم هر بیر جفایه دوزدوم
گه طعنه لر ایشییدیم گه ناسزایه دوزدوم
اولدوم رضا قضای پروردگاره گلدیم
..
..
..
..
..
بیر گون همان بو یرده من زار و دلشکسته
تاپدیم یارالی جسمون گوز یاشلی دست بسته
آلدیم شمیم جنّت یتجک بو نعشون اوسته
قیلدیم او فکری بیرده من بو مزاره گلدیم
..
..
..
..
..
قویدی غم و فراقون قارداش منی بو حاله
یاندیم سالاندا وصلون خوش گونلرون خیاله
بیر اربعین ریاضت چکدیم یتم وصاله
کامل ریاضتیله دیدار یاره گلدیم
..
..
..
..
..
اوّلده کوفه ایچره سن بزم عامه گیتدون
اهل وفانی قویدون هر بیر مقامه گیتدون
گوردون که مشتری وار بازار شامه گیتدون
منده کسیک باشوندان دوشموب کناره گلدیم
..
..
..
..
..
گون تک چخاردی قارداش هرگونده سیره باشون
اسباب خیر اولوردی سیرنده غیره باشون
گه کوفیه آپاردی گه چکدی دیره باشون
هر بیر محلّه اولدی سندن اشاره گلدیم
..
..
..
..
..
باشون جدا باشندا گر چه گورنده یاندیم
هر بیر ستم یتیشدی شامه کیمی دایاندیم
بیر صبح شام اولونجا من شامده دولاندیم
قول باغلو سینه داغلو هر رهگذاره گلدیم
..
..
..
..
..
شامین جفالریندن بیحد شکایتیم وار
بیر جانگداز قصّه غملو حکایتیم وار
یانمیش گوگل سزیلدار نی تک روایتیم وار
من بو روایت اوسته چوخ آه و زاره گلدیم
..
..
..
..
..
اوّل گونی که شامه آل عبا یتیشدی
هر بیر دقیقه سنده مین مین بلا یتیشدی
چون طعنه چوخ شماتت چوخ ناسزا یتیشدی
آردونجا بیر مقامه من بخت قاره گلدیم
..
..
..
..
..
شامین مصائبین من عرض ایلسم مُسَلسَل
چوخ مختصر بیانیم بیر شرح اولی مُطَوَّل
قارداش اوزون بولورسن هر مُجملی مُفَصَّل
گوردون نه غم یتیشدی من دلفکاره گلدیم
..
..
..
..
..
آل اللهه ویریلدی ویرانه یرده منزل
دنیاده تا وارام من قلبیمده وار بو نسگل
دوشدی رقیّه دلدن قارداش دیدی ز بس دل
آخر اونی گجه ایله قویدوم مزاره گلدیم
..
..
..
..
..
بزم یزیدی قارداش چکسم بیانه ئوللم
روحون گلور فغانه ذکر اولسا بیر ده بوللم
قان آغلارام ئولونجه دنیاده سانما گوللم
آغلار گوزیله گیتدیم شامه دوباره گلبریم
..
..
..
..
..
«صافی» همان او حالی سن ایله سن مصوّر
اولماز تمام عالم بو عالمه برابر
زینب دلینجه اوخشا قیل مطلعی مکرّر
باشون دالنجا قارداش هر بیر دیاره گلدیم
..
..
..
..
..