شهادت حضرت علی (ع)
..
..
مرحوم فیروز جوانشیر (خادم)
..
..
باشوه شمشیر ائدن گونده اصابت یا علی
اولمادی بولمم ندن برپا قیامت یاعلی
..
..
خلوت ائتموشدون او دم که حضرت جانانیله
طاعت محرابیده ذرات جسم و جانیله
محو ذات حقّدون اخلاص بی پایانیله
بیر کسه اولماز میسّر ایله خلوت یا على
..
..
قرب جاناندا ائدنده ذکر یارب زمزمه
دیدۀ حق بینده اشکون دونردی زمزمه
درس اخلاص اورگدردون انبیای معظمه
طاعتونده واریدی بس معنویت یا على
..
..
اوندا کی محو تجلّای جمال یاریدون
اوندا کی غرق تماشای رخ دلداریدون
اوندا کی بو لذت دیداریدن سرشاریدون
ایله بیر حالتده اولدون قربه دعوت یا على
..
..
هجر جانان جانیوه سالمیشدی بس سوز و گداز
درگه معبوده اولموشدون جبین سای نیاز
حق سنی ائتدی ندای ارجعیله سرفراز
ویردی دلدارون ائله بیر عشقه قیمت یا على
..
..
بو ندانی سن ائشیتجاق ای شه والا مقام
ایله شاد اولدون نمازون قویمادون اولسون تمام
سیندی تا رکن نمازون اولدی عالم بی نظام
اوندا ویران اولدی ارکان هدایت یا على
..
..
اوندا که اولدون ندای ارجعیله مفتخر
گلدی باشونده ظهوره معجز شق القمر
قان سحابی ایلین دم گون جمالون مستر
چوکدی دنیایه همان ساعتده ظلمت یا على
..
..
نغمۀ فزت و رب الکعبه ای جان جهان
سیندیروب موج سکوتی اول زماندا ناگهان
جبرئیلین ناله سیله صوتون اولدی همزبان
سالدى افلاکه بو سس شور قیامت یا على
..
..
غرق اولوب دریای درد و محنته اهل یقین
آتدی باشیندن تقرّب تاجینی روح الامین
سسلنوب والله اولدی منهدم ارکان دین
آلدى دللردن بو آوا صبر و طاقت یا على
..
..
مرتضانین قتلی تا عالمده تاپدی انتشار
بو مصیبتدن اولوبدور چوخ اورکلر بی قرار
خلدیده زهرا آچوب باشین ائدوبدور آه و زار
بزم غم اولدی سنه فردوس جنت یا على
..
..
بیرده بو سس کوفه شهرینده یارالدوب اضطراب
بیربیره دَیدی جماعت قوپدی شور و انقلاب
اولدی آگه بو خبردن زینب علیا جناب
قالدى نه حاله او کوه استقامت یا علی
..
..
بی اراده گلدی اول مظلومه دلدن شیونه
چشمۀ چشمی گلوب موجه توکولدی دامنه
سسلینده حسرتیله وای بابا ای وای منه
اولدی عالملر غریق بحر محنت یا علی
..
..
#حیدریه #فیروز_جوانشیر
#حیدریه_شهادت
#باشوه_شمشیر_ایدن_گونده_اصابت_یاعلی
#ترکی
#زبدةالاشعار
نظر دهید