باش گوتور خاک مذلّتدن رقیّم دور گیداخ #کوچ_شام #مبکی_تبریزی

کوچ از خرابه
زبانحال حضرت زینب (س)
.
#زبدةالاشعار
.
: @nohe_torki
.
#سبک_زینبم_جان_اوستیم … 4 سبک
.
مرحوم محمد شیخ زادگان ( مبکی تبریزی)
.
باش گوتور خاک مذلّتدن رقیّم دور گیداخ
قورخما قورتولدوخ ارسارتدن رقیّم دور گیداخ
.
.
حق ایدوب رسوا یزیدی ال چکوبدی ظلمدن
نه دوگن وار نه ویران قمچی نه قوللاردا رسن
مهربان عمّن آنان باجون ایدوب عزم وطن
یوخ اثردرد و مصیبتدن رقیّم دورگیداخ
.
.
غم یمه دونمز گوزونده تیره شامه گوندوزون
ضربت سیلی دوباره نیلگون ایتمز یوزون
دور و برده یوخدی دشمن دلده وار هر نه سوزون
عَمّوه آندور بوساعتدن رقیّم دور گیداخ
.
.
خالق عزّت سالوبدی ظِلّ رحمت باشیوه
خون دل بیرده قاریشماز گوزدگی گوز یاشیوه
ئولمسم قالسام یتورّم من سنی قارداشیوه
شاد اولار قلبون او وصلتدن رقیّم دور گیداخ
.
.
آختاران اهل وفا کوی وفانی ایستمز
یا مریض عشق اولان خاک شفانی ایستمز
بولموسن یا خسته گویلون کربلانی ایستمز
عازموخ قالما زیارتدن رقیّم دور گیداخ
.
.
اوردا بیر دسته مجاهد ظلمیله قانه باتوب
آخرت شوقیله جمله حُبّ دنیانی آتوب
سینه سی اوسته آتاوین قارداشین اصغر یاتوب
دوشمیوب اول گل طراوتدن رقیّم دور گیداخ
.
.
عطر وصلون آل مشامه باخما عمّن وای دیر
یا آنان گوزیاشی گوزده وای اوغول ایوای دیر
صود امر قارداشه باجی رسمدور لایلای دیر
چخما سنده بو طریقتدن رقیّم دور گیداخ
.
.
چوخ صور آغوشه آلسون باجی خردا قارداشین
آغلیان وقتینده سیلسون رأفتیله گوز یاشین
باجیلار تک باغریوا باس اصغرین وصلت داشین
چکمه ال اول ماه طلعتدن رقیّم دور گیداخ
.
.
عمّوه ناز ایلمه نازلی قیزیم دور دوش یولا
غصّه ویرمه قویما قلبیم درد ومِحنتله دولا
آختارور باجون سنیله بیرده هم محمل اولا
تز اونی قورتار بو مِحنتدن رقیّم دورگیداخ
.
.
گول اسیراولماز بو گلشنده داخی خاره قیزیم
تاپموشام غربتده هربیر دردیوه چاره قیزیم
سن حسینیمدن امانت سن منِ زاره قیزیم
آیری دوشمه آل عصمتدن رقیّم دورگیداخ
.
.
دوش وطن فکرینه آز بو گوشۀ غربتده یات
قویما آغلار گوزلی قالسون سندن اوتری بو بنات
عازم اول سنده بیزیله یثربه مقصوده چات
کس علاقن دار ذلّتدن رقیّم دور گیداخ
.
.
جمله غملردن موثّردور منه بو نسگلون
شاهزادیدون اولوب کُنج خرابه منزلون
ایتمدون اظهار عمّن زینبه درد دلون
اینجیدون رنج و ریاضتدن رقیّم دور گیداخ
.
.
سن بو شهر شامیده بیر پرچم دین ساچموسان
حق یولون گمرهلره اوز نوبتونده آچموسان
ایسّی ده شامون یولوندا پا برهنه قاچموسان
قالمیوب نقصان خدمتدن رقیّم دور گیداخ
.
.
واریری گر ماسوایه ایله سن مین بیله ناز
سندن اوتری گلدی بو ویرانیه شاه حجاز
سن صغیره سنّویله یاخشی تاپدون امتیاز
مقصده یتدون او رأفتدن رقیّم دور گیداخ
.
.
خط سیرونده وقاری خلقه اعلان ویرموسن
قوللارون باغلی حضورشهده آج جان ویرموسن
کل عشقه عشقویله یاخشی میزان ویرموسن
اولموسان حامی شریعتدن رقیّم دور گیداخ
.
.
ایستمز دنیاده گرچه اهل دین عزّ و اساس
مایل اولسان من گیوندورّم سنه تازه لباس
تا بوله شهزاده سن هر آشنا هر ناشناس
قالماسون بیر کیمسه حرمتدن رقیّم دور گیداخ
.
.
حمد لله باشه ویردوخ دین یولوندا خدمتی
بیر مرام پاکیله گتدوخ اله حریتی
حق یانوندا (مبکی) اولسا اهل دین وار قیمتی
بی نصیب ایتمز شفاعتدن رقیّم دور گیداخ
.
.
.
#کوچ_شام #مبکی_تبریزی
#باش_گوتور_خاک_مذلتدن_رقیم_دور_گیداخ
#ترکی
.
#زبدةالاشعار
.
: @nohe_torki