بالینمه گل ناطق قرآنیم عم اوغلی #فاطمیه_احمدی_جوان

زبانحال حضرت زهرا
.
#زبدةالاشعار
.
: @nohe_torki
.
احمدی جوان
.
بالینمه گل ناطق قرآنیم عم اوغلی
قربان اولا قرآن سسوه جانیم عم اوغلی
.
.
تأخیر ایلمه گل باشیم اوسته سنه قربان
خوش لحنویلن ایله تلاوت اوخی قرآن
تسلیم ائلیوم جانیمی جانانیمه آسان
ای برج ولاده مه تابانیم عم اوغلی
.
.
ثانی ستمی طاقتیمى الدن آلوبدور
بیر ظلمیله اود عالم امكانه سالوبدور
گل کور حسنینون نجه رنگی سارالوبدور
ئولدوردی اوزین زینب نالانیم عم اوغلی
.
.
یاندیردی منیم قلبمی اشرار زمانه
بو محنت و غم قدّیمی دوندردی کمانه
صبر ایله عم اوغلی بو غمه گلمه فغانه
صبر ایله دایان لنگر امكانیم عم اوغلی
.
.
بیر بیر ائدرم ایندی سنه دردیمی اظهار
شورای ثقیفه منی یاندیردی نه مسمار
زایل ایلیوب حقیوی اشرار ستمکار
قانیله دولوب سینۀ سوزانیم عم اوغلی
.
.
سر منشا کانون ستم ثانی ملعون
گل صورتیمی نیلی ایدوب قلبمی پرخون
شل اولسون الی ایلدی عالملری محزون
قوی اوج ایلسون گوگلره افغانیم عم اوغلی
.
.
عالملری ویران ایلدی کامینه چاتدی
فکر ایلدی بو ظلمیله دین پرچمی یاتدی
اما بو یارا بیرق اسلامی اوجاتدی
یار اولدی منه خالق سبحانیم عم اوغلی
.
.
بیر طرزیله مسجد ده دانشدیم من غم خوار
اول جمع که ایتمیشدی سنون حقّیوی انکار
بیر لحظه ده ایلوبله شها حقّیوی اقرار
افسوس یتوب موسم هجرانیم عم اوغلی
.
.
جان او سته یم امّا سنون احوالیوه یانّام
حاشا که بو قلبیمده اولان سوزشی سانّام
احوالیسی شرح ایلمرم مندان اوتانّام
قلبمده قالار بو غم پنهانیم عم اوغلی
.
.
گل باشیمی آل سینوه ای منبع رحمت
ایلوم سنه سینده کی اسراری وصیّت
مخفی منی قوی قبره عم اوغلی ایله راحت
تابوتیمه ال ویرمیا عدوانیم عم اوغلی
.
.
باخدوقجا حسینه دوشوری قلبیمه اخگر
رأفت ایله سن اولمیا بیر لحظه مکدّر
چون جسمینه أعدا ویراجاق نیزه و خنجر
مذبوح اولی لب تشنه و قربانیم عم اوغلی
.
.
آغلار گوزیله یازدی بو اشعاری جوانی
هجرونده او قدر آغلادی سلب اولدی توانی
بیر عمریدی ایستور گوره بیر کرب و بلانی
دعوت ائله سن ای شه دورانیم عم اوغلی
.
.
#فاطمیه_احمدی_جوان
#فاطمیه_شهادت
#بالینمه_گل_ناطق_قرآنیم_عم_اوغلی
#ترکی
.
#زبدةالاشعار
.
: @nohe_torki