بانوی عظمای محشر کیمدی زهرادن صورا #فاطمیه_زرین_قلم

در جلالت حضرت زهرا (س)
.
.
.
حاج حمید زرین قلم
.
.
بانوی عظمای محشر کیمدی زهرادن صورا
بضعۀ پاک پیمبر کیمدی زهرادن صورا
.
.
دُرّ عصمت گوهر دریای ایمان و وقار
اُسوۀ فضل و کمال و گنج شأن و اعتبار
اسم پاکی حضرت ختمی مآبه افتخار
بیر بیله فرزانه دختر کیمدی زهرادن صورا
.
.
میوۀ قلب رسول اللهِ خیرالممکنات
آفتاب بی غروب آسمان کائنات
بیله بیر بانو بو دنیایه گله هیهات هات
بیله بیر دریای گوهر کیمدی زهرادن صورا
.
.
عالمی ائتمزدی گردانندۀ عالم بنا
اولماسیدی نور پاک پنج تن آلِ عبا
مصطفی و مرتضی زهرا حسین و مجتبی
بِش منوَّر نوره محور کیمدی زهرادن صورا
.
.
روز محشر حکم ائدنده داور جلّ علا
حاضر اولسون پاپیاده جمله حتّی انبیا
انبیا و اولیا الّا بتول مصطفی
تک سوار روز محشر کیمدی زهرادن صورا
.
.
تاجیدی باشیندا زهرانون رسول مصطفی
بوینونون قیمتلی گردنبندی میر لافتی
گوشوارِیدی او بانویه حسین و مجتبی
صاحب بیر بیله زیور کیمدی زهرادن صورا
.
.
مرتضائیکه اونون شأنینده ذات کبریا
آیۀ الیوم اکملتُ لکُم ایلوب عطا
سینه سینده وار مدال افتخار لافتی
بیر بیله مولایه همسر کیمدی زهرادن صورا
.
.
عشق زهرادن دی گلزار ایچره بلبل نغمه سی
چرخش چرخ زمان فصل بهارین گلمه سی
آیۀ قرآندا اعطیناک نین سون کلمه سی
کلمۀ زیبای کوثر کیمدی زهرادن صورا
.
.
کیمدی دنیاده ائده زنیب کیمی قز پرورش
مصطفی سیرت ، علی خو ، حضرت زهرا منش
انقلاب کربلا تاپدی اونیله گسترش
زینب کبرایه مادر کیمدی زهرادن صورا
.
.
فکریمه بیر سوز گلور قلبیم اودور بی تاب دور
درد جانسوز دل جمعیّت احباب دور
نوجوان گل پرپر اولماز اوندا کی شاداب دور
نوگل زیبای پرپر کیمدی زهرادن صورا
.
.
گرچه نامحرم قویانماز محفل عشقه قدم
ناامید اولما ولی بو باره ده «زرّین قلم»
چنگ ویر دامانینه بو سوزلریله دمبدم
بانوی عظمای محشر کیمدی زهرادن صورا
.
.
.
.
#فاطمیه_مدح
#فاطمیه_شهادت
#بانوی_عظمای_محشر_کیمدی_زهرادن_صورا
#زرین_قلم
#ترکی
.
.