حالات راه شام
از ناقه افتادن حضرت رقیه(س)
..
..
..
..
احمد کاظمی زنجانی
..
..
..
..
بلبل آزُرده اُولار دوشسه چَمندن اوزاقا
اُوخوماز نَغمه خُوش دَشت و دَمندن اوزاقا
..
هَمدم و مونِسی چون گولدی، گلستان یاتاقی
یاشاماز قالسا اگر سَرو و سَمَندن اوزاقا
..
فِی المَثل گولدی حُسین گلشَنیدور کرب و بلا
سالدیلار عِترتینی گور نَه وَطندن اوزاقا
..
چَکدیلر شامه طرف ،خسته دِل اهل حَرمین
دوشدی زینب نَه چتین، شاه زَمندن اوزاقا
..
باجی قارداشدان اُولوبدور، آنا دیلسیز بالادان
ظُلم اَلی سالدی رُبابی صود اَمَندن اوزاقا
..
قول قولا باغلادیلار خیردا بُیوک شَخصِ لرین
شامه جَک اِئتمَدیلر بَند و رَسندن اوزاقا
..
بیر سه ساله قیزی لِیک، اِئتدیله بُلبل تَک اَسیر
سِیر اِئده ،قویمادیلار،زاغ و زَغَندن اوزاقا
..
نام زیباسی رُقَیِیدی بو شیرین سُخَنون
قالدی زَجریله سَنان اَلده چمندن اوزاقا
..
وُوردی از بَس بو قیزی زَجر سِتمکار و پَلید
دوشمدی قَبره کیمین دَرد و مُحندن اوزاقا
..
خاریلر اُوسته گیدوب جَبریله یُول شامَه کیمی
اُولمِیوب حیف بو قیز رنج و فِتندن اوزاقا
..
ناقِیَه میندی وَلی ضَعف اِئلِیوب دوشدی یِئره
آز قالوب روحی اوچا خَسته بدندن اوزاقا
..
آغریدان گلدی دیله سسلدی مظلوم باباسین
دئدی دوشدوم بابا مَن گور نِجه سَندن اوزاقا
..
بُلبلم آیری سالوبلار منی سَن تک گولیدن
خار و خَس یُوردی منی گِئتمدی مندن اوزاقا
..
آیریلیق دردی سالوب، دَرده منی آی یارالی
گول تک اِی باشی دوشَن شاخه و تندن اوزاقا
..
سارِبان یِرده قویوب گل بابا امداده یِتیش
قویما بو چُولده دوشوم اهلِ وطندن اوزاقا
..
بو سَیاقیله خانیم شِکوه اِئدوب همدمینه
یورولوب دوشدی سریع نُطق و سُخندن اوزاقا
نِیزه باشینده حسین باشی دایاندی اُو زمان
حرکت اِیلمدی وِئردیله هَر قَدری تِکان
..
گوردولر یارَه لی باش نیزده هَریانی گزور
قان آخان گوزلریلن قورخولی صَحرانی گزور
..
علتین بیلمَدیلر کَشف مُعّما اِئدَه لر
بو باشین دورماقینین سِرّینی پیدا اِئدَه لر
..
بیلدیلر بوردا گَرک قافِله اِمداد اِئلیّه
کَشف بو مَسئَله نی حضرت سجّاد اِئلیّه
..
جَرَیانی دِئدیلر تا که بیلوب زِینُ العِبا
دئدی بو قافله دَن یِرده قالوب بیرجَه بالا
..
تا اِشیتدی بو سُوزی زینبِ صِدیقه مَرام
بیلدی چوللرده ایتیب دختر مَظلوم اِمام
..
بو قَدَر گزدی خانیم خُوفیلی صَحرانی گجه
ظُلمت شَبده تاپوب خیرداجا زهرانی گجه
..
گوردی بیر بوته دیبینده یاتوب اُول خستَه بالا
خیردا زهرانی آلوب حضرت زهرا قوجاقا
..
دیزلرین بالِش اِئدوب گوردی جَلای وطنه
چوخ نوازِش اِئلیور بُلبل دور از چمنه
..
گلدی بو مَنظره دن زینب دِلخون سخنه
نِیلِیورسَن بو بیاباندا دِئدی خَسته ننه
..
نَدَن آغلورسان آنا شَرح اِئله جریانی بیلیم
گوزُوون یاشینی قُوی من ئوزوم آهسته سیلیم
..
دِئدی گل زینبیم اِی بالُ و پَری بَسته قیزیم
آغلورام مَن بو قیزون بَختینه ای خَسته قیزیم
..
گلمیشم من بو چُوله مُشگلی آسان اِئلییَم
بو رقیه قیزیمون دردینه درمان اِئلییَم
..
صورتینده آخی وار من کیمی سیلی رَدّی
اوچ یاشیندان اَگیلوبدور نیه بَس بو قَدّی
نظر دهید