بلی لازمدی يازماق اوّل دیوانه بسم الله #حیدریه_دلریش

مدح ابوالحسن علی ابن ابی طالب (ع)
.
زبدة الاشعار
?: @nohe_torki
.
مرحوم دلریش
.
بلی لازمدی يازماق اوّل دیوانه بسم الله
یازوبلار منشیان دیباچۀ قرآنه بسم الله
.
نقدری نظم و نثری کیم اولوب ایجاد عالمده
اولارون جمله سی بیریانه دور بیر یانه بسم الله
.
کلید باب جنّت دور بو اسم راحم و رحمن
چکر انسانی بی شک كفردن ایمانه بسم الله
.
رجوع ایتسه بیر امر مشکله هر ذی حیات آری
يقيناً دوندرور هر مشکلی آسانه بسم الله
.
علوم اوّلین و آخرین چون نقطۀ بادور
آچار راه هدایت جمله انسانه بسم الله
.
عبارت نقطۀ بادن وجود شاه مردان دور
اودور يازمشلا عرش خالق سبحانه بسم الله
.
باشندا هر کيمون وار عشق سوداسی جهان ایچره
قدم قويسون گوروم مردانه بو میدانه بسم الله
.
اوکس کیم سویلوری من عاشقم گیزلتمسون عشقين
گرک عاشقلرون کاری اولا مردانه بسم الله
.
بورا مسجد دگل میخانه دور زاهد، ریا اولماز
محبت ایستین عاشق بودور میخانه بسم الله
.
الین اوپ پیر رندانون اولا مقصود جانانون
اوتور بو بزمده سنده بیله رندانه بسم الله
.
مرامون گر اولا عکس رخ دلداری گورماقدان
گل آل ساقی الیندن بیر دولی پیمانه بسم الله
.
منوّر ایلیوب شمع رخ دلدار آفاقی
اولور هر کیم بو شمع عشقده پروانه بسم الله
.
منی مست ایله اول میدن دولانوم باشوه ساقی
ایچوم تا مست اولوم منده دیوم مستانه بسم الله
.
ریاضت چکماقا میلون اگر اولسا گوگل دورما
چکل بایقوش صفت بیر گوشه ویرانه بسم الله
.
رهِ جاناندا (دلریش) ایلیوبدور ترک باش و جان
ایدر هر کیمسه قربان جانینی جانانه بسم الله

.
#حیدریه_مدح
#بلی_لازمدی_يازماق_اول_دیوانه_بسم_الله
#دلریش
#ترکی
.
#زبدةالاشعار
?: @nohe_torki