زبانحال امام (ع) در بالین حضرت علی اکبر (ع)
.
#زبدةالاشعار
.
: @nohe_torki
.
#سبک_ایکی_بالام_حسینیمه_فدادی_زینب
مشابه با صدای حاج بهزاد حسنی اهری
.
مرحوم محمد شیخ زادگان ( مبکی تبریزی)
.
.
بواودلی دلدن اود گوتور علی اکبر
دانش منیله آچ گوزون سنی پیمبر
((سسیمه سس وئر جوانیم اکبر
بدنده روح روانیم اکبر))
.
.
غریب آتان تاپوب سنی بو قانلی یرده
علی علی دئیر باتار ملال و درده
دورانموسان چکوبدی قان گوزوه پرده
گورنموسن آتان اولوب نجه مکدّر
.
.
یخوبدولار عقابیدن یارالی خسته
قلج یریندن اوخ ویروبلا دسته دسته
قوشون گولون من آغلورام بونعشون اوسته
شماتت ایلوری منه بو قوم کافر
.
.
سالاندا من یولا سنی اوغول سلامت
آنان بی بی لرون اولوب خمیده قامت
بوحالوی بوله حَرَم ایدر قیامت
سپلّه باشه توپراقی بنات حیدر
.
.
نه تز بویاندی قانویله موی مشکین
چخوبدی انتظامیدن بو زلف چین چین
رواندی سو کیمی قانین قاچوبدی رنگین
وجودین ارب ارب ایدوبدی تیغ و خنجر
.
.
داغولموسان ورق ورق بو گلستانه
ورق لرون آپارسا یل هامی جهانه
یانار غمونده انس و جان گلر فغانه
دیِه لر حیف اولا سولوب گل پیمبر
.
.
کسه خدای لا مکان بو قوم نسلین
بهارعمروین گولون ایدوبله گلچین
خییمده یاسوا باتوبدی آل یاسین
اولوبدی قاندا مُنخَسِف مه منّور
.
.
نفس آلاندا قان ویروربوجسم مجروح
چالورسان ال ایاق آتاندا قالموری روح
سزادی آغلیه مین ایل غمونده مین نوح
بو نوعی غرقه خون اولوب بو جسم اطهر
.
.
گوز آچماسان بو روح ایدر سپهره معراج
الیمده سن عصائیدون ایدوبله تاراج
پناه عالمین اولوب پناهه محتاج
دیینموری عمووا گل اولوبدی اکبر
.
.
یازا بیری صفاتوی شبیه طاها
یازانمازحُسنوی قلم گر اولسا طوبا
بو شامون اهلی بولمیوبدی قدرون امّا
توکوبله قانوی سوسوز بو شوم لشکر
.
.
ایدوبله گوزده گوز یاشین بسان جیحون
ئورک الولانور غمیم اولوبدی افزون
آناوین حقّی وار بالا گر اولسا مجنون
ملامت ائترم قاچا چوله او مضطر
.
.
فدای دین سن فدا جهان بوجانه
یوزیمه باخ گله بو دیزلریم توانه
الیم یوزوم محاسنیم بویاندی قانه
یارالی اؤپموشم یوزون بدیدۀ تر
.
.
یری وار آغلیا فلکده هر ستاره
ملائکین گله فغان و آه و زاره
ایدوبله پیکرون بو قوم پاره پاره
اولوبدی مبکی باغری قان الینده دفتر
.
#اکبریه_شهادت
#بو_اودلی_دلدن_اود_گوتور_علی_اکبر
#ترکی
.
.
#زبدةالاشعار
.
: @nohe_torki
نظر دهید