بو خرابه شامیده عمه جان گجه گوندوز اوخشارام آغلارام #حضرت_رقیه_شهاب_تبریزی

زبانحال جناب سکینه(ع) در خرابه شام
..
..
..
..
#سبک_بالام_آغلاما_گلوم_آغلاما و … ( 7 سبک برای سینه زنی و زنجیر ) … من عزیز فاطمیم فلک … سن آت اوسته پای پیاده من … بو خرابه نی ایلمه وطن … دولانور علی قیزی مقتلی و … بالام آغلاما … باجی دور گئداخ …
..
..
..
..
مرحوم شهاب تبریزی
..
..
..
..
بو خرابه شامیده عمّه جان
گیجه گوندوز اوخشارام آغلارام
نه قدر واریمدی بو جاندا جان
گیجه گوندوز اوخشارام آغلارام
..
..
..
..
منی آیریلوق غمی نی کیمی
گتیروبدی درده خرابه ده
هر او کس اولا منه هم نفس
یانار آه سرده خرابه ده
نجه من بو سرّه که فاش اولور
چکوم عمّه پرده خرابه ده
اودی گَه عیان و گَهی نهان
گیجه گوندوز اوخشارام آغلارام
..
..
..
..
گوروسن که تیر بلا منیم
نجه سیندیروب پر و بالیمی
ندور احتیاجی بیان ایدوم
غم و درد و رنج و ملالیمی
اوزون اهل حالسن عمّه جان
گوروسن بو صورت حالیمی
ایدرم سرشکیمیله بیان
گیجه گوندوز اوخشارام آغلارام
..
..
..
..
من او بلبلم که سولار گولی
اولور عمّه جان چمن آیریسی
منی تندباد فراق ایدوب
نجه سرو و یاسمن آیریسی
بیله رسمیدور که ویرونجه جان
گرک آغلاسون وطن آیریسی
اودی وجهی عمّۀ مهربان
گیجه گوندوز اوخشارام آغلارام
..
..
..
..
من او عاشقم که زمانه نین
هامی ناز نعمتین آتموشام
هم آتام عموم همی قارداشیم
ئولوب ایمدی یاسینه باتموشام
نچه وقتیدور که من آج سوسوز
گیجه لر خرابه ده یاتموشام
منه چون خرابه اولوب مکان
گیجه گوندوز اوخشارام آغلارام
..
..
..
..
داخی یاتمیون که آتام گلوب
ایلیوب بو یرده مکان دورون
بو قرانلوق ایو دَگی لایقی
هامی شمع آهوزی یاندورون
او چراغیلن من بی کسی
بو خرابه ایچره دولاندورون
بابام اولماسا منه میهمان
گیجه گوندوز اوخشارام آغلارام
..
..
..
..
نه روادی کینۀ شمریدن
سارالوب خران گولی تک اَسَم
نه روادی اَلدن آتام گیده
گوزیمی یولوندان اونون کَسَم
گورورم که یوخ داخی بیر کسیم
بو دیار شامیده بی کَسَم
اولی گریه مونس بی کسان
گیجه گوندوز اوخشارام آغلارام
..
..
..
..
هانی بیر یتیمه منیم کیمین
اولا نیلی سیلی ایله یوزی
یوزینه باخاندا آتاسینون
دوشه قان دوتان گوزینه گوزی
قولی باغلی اؤزگه شماتتی
آتا مرگی جان غمی ایل سوزی
ایلیوبدی باغریمی غصّه قان
گیجه گوندوز اوخشارام آغلارام
..
..
..
..
دوزرم بو جسم ضعیفیله
هامی درد و محنت و رنجه من
قوری یرده فرش و چراغسیز
چکرم همیشه شکنجه من
بو اوشاقلیقیمدا دایانموشام
گینه درد و محنت و رنجه من
دایانانمارام داخی عمّه جان
گیجه گوندوز اوخشارام آغلارام
..
..
..
..
منی بو خرابه ده اینجیدن
نه غُل و دوشاخه دی نه رَسَن
منه چوخ گراندی بو بیرجفا
که شماتت ایلوری هر گَلَن
گر ئولوب بابام گیدوب عزّتیم
گینه شاهزاده ام عمّه من
دوزه بلمرم اودی هر زمان
گیجه گوندوز اوخشارام آغلارام
..
..
..
..
یوخودا گوروب بابامی دیدیم
اونا عرض حالیمی بیر به بیر
که بابا گوزوندن ایراق سنون
بیزه ویردیلر قوری یرده یر
باشیما چکوب الینی دیدی
دی سکینه دردیوی بیر به بیر
دیدیم ای بابا بودی بیر نشان
گیجه گوندوز اوخشارام آغلارام
..
..
..
..
سنه شرح درد فراقیدن
نه دیوم که بیر دگی محنتیم
بو یتیملیق بو اسیرلیق
بو خرابه کُنجی بو غربتیم
باش آچوخ گونش قوری یر یریم
بو جفای شمر بو ذلّتیم
نه باش اوسته سقف نه سایه بان
گیجه گوندوز اوخشارام آغلارام
..
..
..
..
منه سویلدی که سکینه جان
نجه اولدی دردیله سازشون
دیدیم اولدی قوّت دل منه
او جِدا باشیندا نوازشون
دیدی یوخ خرابه ده چون باشیم
گجه صبحه تک ندی بس ایشون
دیدیم هر زمان ایدرم فغان
گیجه گوندوز اوخشارام آغلارام
..
..
..
..
دیدی کیم چکوب بالا زحمتون
سنه کیم مُواظبت ایلدی
دیدیم اول بلاکش اولان بیبیم
منه چوخ مُلاطفت ایلدی
دیدی همزبان سنه کیم اولوب
بالا چوخ مُلایمت ایلدی
دیدیم اولدی غم منه همزبان
گیجه گوندوز اوخشارام آغلارام
..
..
..
..
سنی بو رقیّه قیزون شها
سنی اکبرون آقا یا حسین
هامی حاضرینیله دعوت ایت
گله محضرونده بیر اربعین
ایدوب آرزوسی مزاروین
بلوسن «شهابوی» دلغمین
دیه اولموشام سنه نوحه خوان
گیجه گوندوز اوخشارام آغلارام
..
..
..
..
#حضرت_رقیه #شهاب_تبریزی #حضرت_رقیه_شهادت #ترکی #زبدةالاشعار